დავით გარეჯის საქმეზე სასამართლო სხდომები გრძელდება

დავით გარეჯის საქმის არსებითი განხილვა თბილისის საქალაქო სასამართლოში გრძელდება. დღევანდელ სხდომაზე იკითხება ბრალდების მხარის მიერ წარდგენილი 1 მოწმე – სახელმწიფო უსაფრთხოებისა და კრიზისების მართვის საბჭოს ყოფილი თანამშრომელი გიორგი სვანაძე. ამის შესახებ ინფორმაციას აქვეყნებს ქართული მასმედია.

დაცვის მხარე აცხადებს, რომ აქამდე დაკითხულმა ვერცერთმა მოწმემ ივერი მელაშვილისა და ნატალია ილიჩოვას დანაშაული ვერ დაამტკიცა. პროკურატურა ორივე მათგანს საზღვრების დელიმიტაციის პროცესში, საქართველოს ინტერესების საზიანო მოქმედებაში ადანაშაულებს.