ოქტომბერში სომხეთი მასშტაბურ საერთაშორისო სამაშველო წვრთნებს უმასპინძლებს

პროექტის „მიწისძვრების ყოვლისმომცველი მართვა სამხრეთ კავკასიის დაუცველ რაიონებში ეფექტური დაგეგმვის, რეაგირებისა და ერთობლივი მოქმედებების გზით“ ფარგლებში, მიმდინარე წლის ოქტომბერში სომხეთში ჩატარდება სამაშველო საველე სწავლება, რომელშიც მონაწილეობას მიიღებს საძიებო-სამაშველო მრჩეველთა საერთაშორისო ჯგუფის (The International Search and Rescue Advisory Group՝ INSARAG)INSARAG) გარე კვალიფიციური ურბანული სამძებრო-სამაშველო გუნდები სომხეთიდან, მონტენეგროდან, საფრანგეთიდან, კვიპროსიდან, საბერძნეთიდან, ჩრდილოეთ მაკედონიიდან, საქართველოდან. შსს-ს სამაშველო სამსახურიდან NEWS.am-ს აცნობებენ, რომ პროექტი ევროკავშირის დაფინანსებით ხორციელდება.

29-31 მარტს ერევანში გაიმართება წვრთნების დაგეგმვის მთავარი კონფერენცია, რომელშიც მონაწილეობას მიიღებენ ევროკავშირის წარმომადგენლები, ექსპერტები სომხეთიდან, საბერძნეთიდან, კვიპროსიდან, მონტენეგროდან და საფრანგეთიდან. ამავე თემაზე სამეთაურო სწავლება მაისში, ხოლო ივლისში საველე სწავლების დაგეგმვის დასკვნითი კონფერენცია გაიმართება.

სცენარის მიხედვით, სომხეთში დამანგრეველი მიწისძვრა მოხდა, რასაც კომპლექსური საგანგებო სიტუაციები მოჰყვა. სომხეთი დახმარებისთვის საერთაშორისო ორგანიზაციებს მიმართავს. აქტიურდება ევროკავშირის მოსახლეობის დაცვის მექანიზმი, სომხეთში სტიქიის ზონაში მყოფი მოსახლეობის მხარდასაჭერად სამაშველო ჯგუფები ჩამოდიან სხვადასხვა ქვეყნიდან და საერთაშორისო ორგანიზაციებიდან. სწავლების მიზანია სტიქიის ზონაში მომუშავე სხვადასხვა ქვეყნის სამაშველო ჯგუფების თანამშრომლობის მექანიზმების გაძლიერება და გაერთიანება.