საერთაშორისო სწავლება სომხეთში – პირობითი მიწისძვრის შემდეგ სომხეთში ჩავიდნენ მაშველები საფრანგეთიდან, საბერძნეთიდან, კვიპროსიდან
სომხეთის მთავრობამ მიიღო გადაწყვეტილება, რომ სწავლების ჩასატარებლად შინაგან საქმეთა და კავშირგაბმულობის სამინისტროს ბიუჯეტიდან 105 მილიონი დოლარი გამოეყოს.
გადაწყვეტილების დასაბუთებაში აღნიშნულია, რომ სომხეთის შინაგან საქმეთა სამინისტრომ კვიპროსის, საფრანგეთის, საბერძნეთისა და ჩრდილოეთ მაკედონიის შესაბამის სტრუქტურებთან ერთად მიიღო გრანტი ევროპის მოსახლეობის დაცვისა და ჰუმანიტარული დახმარების ოპერაციების გენერალური დირექტორისგან ევროკომისიის ერთობლივი საველე წვრთნების ჩასატარებლად.
საველე სწავლებაში მონაწილეობას მიიღებენ სამძებრო-სამაშველო ჯგუფები ჩერნოგორიიდან, საფრანგეთიდან, კვიპროსიდან, საბერძნეთიდან, ჩრდილოეთ მაკედონიიდან.
სწავლების სცენარის მიხედვით, სომხეთში პირობითი მიწისძვრა მოხდა და სომხეთი შიდა რესურსების სიმცირის გამო დაინტერესებულ საერთაშორისო ორგანიზაციებს მიმართავს. სტიქიის ზონაში მცხოვრები მოსახლეობის მხარდასაჭერად და გადასარჩენად სომხეთში ევროკავშირის სხვადასხვა ქვეყნიდან და საერთაშორისო ორგანიზაციებიდან სამაშველო ჯგუფები ჩამოდიან. საგანგებო სიტუაციების სამინისტროსთვის გადასაცემი ფინანსური რესურსები გადაეგზავნება პროექტის 7 კომპონენტის გადაწყვეტას, ესენია: მართვა, დაგეგმვა, სწავლების განხორციელება, სწავლების შესახებ ინფორმაციის გავრცელება და შეფასება, ორგანიზაციის წარმომადგენლების შეხვედრის ორგანიზება, სემინარის ჩატარება.
