ადამ შიფმა კონგრესს წარუდგინა კანონპროექტი, რომელიც ცნობს არცახის დამოუკიდებლობას და გმობს აზერბაიჯანის აგრესიას
აშშ-ს კონგრესის სომხურ საქმეთა ჯგუფის ვიცე-თავმჯდომარე ადამ შიფმა წარმომადგენელთა პალატას წარუდგინა კანონპროექტი, რომელიც მოუწოდებს არცახის დამოუკიდებლობის აღიარებას და აზერბაიჯანის მიერ სომხეთისა და არცახის წინააღმდეგ მიმდინარე აგრესიის დაგმობას. ამის შესახებ ARMENPRESS-ს აცნობეს აშშ-ის სომხური კომიტეტიდან.
„თვითგამორკვევის უფლება გათვალისწინებულია საერთაშორისო სამართლის არაერთ მუხლში, რომლის წევრია შეერთებული შტატები, მათ შორის გაეროს სამოქალაქო და პოლიტიკური უფლებების საერთაშორისო პაქტში“, – ნათქვამია რეზოლუციის ტექსტში.
გაეროს სამოქალაქო და პოლიტიკური უფლებების საერთაშორისო პაქტის თანახმად, ყველა ხალხს აქვს თვითგამორკვევის უფლება. ამ უფლებით ისინი თავისუფლად განსაზღვრავენ თავიანთ პოლიტიკურ სტატუსს და თავისუფლად უზრუნველყოფენ მათ ეკონომიკურ, სოციალურ და კულტურულ განვითარებას.
