სომხურმა მხარემ მიიღო რუსეთის წინადადება მოსკოვში სომხურ-აზერბაიჯანული სამიტის ჩატარების შესახებ.
„რუსეთის მხრიდან მივიღეთ წინადადება 25 მაისს რუსეთის პრეზიდენტის შუამავლობით უმაღლეს დონეზე სამმხრივი შეხვედრის გამართვის შესახებ და მივიღეთ ეს წინადადება“, – განაცხადა პრემიერ-მინისტრმა ფაშინიანმა მთავრობის დღევანდელ სხდომაზე.
საგარეო საქმეთა მინისტრი არარატ მირზოიანი უკვე გაემგზავრა მოსკოვში, სადაც 25 მაისს დაგეგმილია მისი შეხვედრები რუსეთის საგარეო საქმეთა მინისტრ სერგეი ლავროვთან და აზერბაიჯანის საგარეო საქმეთა მინისტრ ჯეიჰუნ ბაირამოვთან.
პრემიერ-მინისტრის თქმით, 1 ივნისს კიშინიოვში ხუთმხრივი შეხვედრაა მოსალოდნელი, რომელშიც მონაწილეობას მიიღებენ საფრანგეთის პრეზიდენტი ემანუელ მაკრონი, გერმანიის კანცლერი ოლაფ შოლცი და ევროკავშირის საბჭოს პრეზიდენტი შარლ მიშელი.
ოქტომბერში დაგეგმილია კიდევ ერთი შეხვედრა იმავე ფორმატის გრანადაში, განაცხადა პაშინიანმა.
შემდეგი სამმხრივი შეხვედრა ბრიუსელში ივლისშია მოსალოდნელი.
