18 პროცენტით გაიზარდა ირანული საქონლის ექსპორტი კავკასიის, შუა აზიისა და რუსეთის ქვეყნებში
ირანული საქონლის ექსპორტი ცენტრალური აზიისა და კავკასიის ქვეყნებში, ასევე რუსეთში ირანის კალენდრის 1401 წელს (2022 წლის 21 მარტიდან 2023 წლის 20 მარტამდე) წინა წელთან შედარებით 18 პროცენტით გაიზარდა. იუწყება News.am, Tasnim-ზე დაყრდნობით.
ირანის ვაჭრობის ხელშეწყობის ორგანიზაციის (TPOI) ცენტრალური აზიის, კავკასიისა და რუსეთის დეპარტამენტის გენერალურმა დირექტორმა რაჰმათოლლაჰ ხორმალიმ მიუთითა ირანის ექსპორტის ინდექსზე და შეაფასა, რომ გასულ წელს ქვეყნის ექსპორტმა ცენტრალურ აზიაში, კავკასიასა და რუსეთში გადააჭარბა 3,2 მილიარდ დოლარს, რაც 18 პროცენტით აღემატება წინა წლის მაჩვენებელს.
მან ასევე აღნიშნა, რომ ირანული პროდუქციის ექსპორტი აღნიშნულ ქვეყნებში მიმდინარე წლის პირველ თვეში (2023 წლის მარტიდან აპრილამდე) გასული წლის ანალოგიურ პერიოდთან შედარებით 50 პროცენტით გაიზარდა.
ქვეყნის ექსპორტი აღნიშნულ ქვეყნებში (2022 წლის 20 მარტს დასრულდა) წინა წელთან შედარებით 40 პროცენტით არის გაზრდილი, განაცხადა მან.
გასულ წელს ირანმა რუსეთის ფედერაციაში 745 მილიონი დოლარის ღირებულების არა ნავთობპროდუქტების ექსპორტი განახორციელა, რაც 30 პროცენტით მეტია წინა წელთან შედარებით, დასძინა მან.
რუსეთი, აზერბაიჯანი, სომხეთი, თურქმენეთი და უზბეკეთი პირველია ირანის ხუთი საექსპორტო ბაზრიდან რეგიონში ამ პერიოდის განმავლობაში, დაასკვნა ოფიციალურმა წარმომადგენელმა.
