ნებაყოფლობითი სერტიფიცირების შედეგების მიხედვით, სომხეთში 1565 მასწავლებელი უკვე იღებს მაღალ ხელფასს და პრემიებს. ამის შესახებ News Armenia-ს გადმოცემით, რესპუბლიკის განათლების, მეცნიერების, კულტურისა და სპორტის მინისტრმა ჟანა ანდრეასიანმა 31 მაისს ეროვნულ ასამბლეაში მუდმივმოქმედი საპარლამენტო კომიტეტების გაერთიანებულ სხდომაზე 2022 წლის სახელმწიფო ბიუჯეტის შესრულების ანგარიშის განხილვისას განაცხადა.
მისი თქმით, ეს პროგრამის ბენეფიციარების მთლიანი რაოდენობის 5,5 პროცენტია.
„საშუალოდ, ხელფასები გაორმაგდა. ამრიგად, თუ მანამდე მასწავლებლების საშუალო მაჩვენებელი 125 ათასი დრამი იყო, ახლა 250-300 ათას დრამს მიაღწია“, – ამბობს ანდრეასიანი.
თუმცა, როგორც მინისტრმა აღნიშნა, ამისთვის აუცილებელია ხელისუფლების მიერ ინიცირებული ნებაყოფლობითი სერტიფიცირების გავლა.
მან ასევე აცნობა, რომ სერტიფიცირებაში მონაწილე მასწავლებლების 28 პროცენტს ხელფასი 300 ათას დრამამდე და მეტამდე გაიზარდა.
„ახლა ვართ ნებაყოფლობითი სერტიფიცირების განაცხადების მიღების პროცესში. პროცესი 15 ივლისამდე გაგრძელდება. ამ დროისთვის 3600-ზე მეტი განცხადებაა შემოსული“, – განაცხადა მთავრობის წარმომადგენელმა.
