მსოფლიოში ვერავინ უარყოფს, რომ მთიანი ყარაბაღის მოსახლეობის უსაფრთხოებასა და უფლებებთან დაკავშირებული ბევრი ღია კითხვაა. ისინი განხილული უნდა იქნას მთიანი ყარაბაღის მოსახლეობის არჩეულმა ორგანოების მიერ და სომხეთის ხელისუფლებამ უნდა ეცადოს უზრუნველყოს ამ დიალოგის დასაწყისი, მექანიზმი და პლატფორმა.
ამის შესახებ სომხეთის საგარეო საქმეთა მინისტრმა არარატ მირზოიანმა სახელმწიფო ბიუჯეტის შესრულების წლიური ანგარიშის წინასწარი განხილვისას პარლამენტის მუდმივმოქმედი კომიტეტების გაერთიანებულ სხდომაზე აღნიშნა. სომხეთის ფრაქციის დეპუტატის არტურ ხაჩატრიანის კითხვაზე მიიღეს თუ არა მანდატი არცახის რესპუბლიკის ხელისუფლებისაგან არცახის მომავალ სტატუსზე მათი სახელით მოლაპარაკებაში მონაწილეობისათვის.
„როგორც სომხეთის პრემიერ-მინისტრმა არაერთხელ განაცხადა, ჩვენ არ მიგვიღია მანდატი მთიანი ყარაბაღის ხალხისგან მოლაპარაკების მიზნით მათ მომავალზე. და შესაბამისად, ჩვენ არ გვაქვს უფლება განვსაზღვროთ მათი სტატუსი. ჩვენ არ წარმოვადგენთ მსგავს პრეტენზიას და არც ვცდილობთ მსგავსი რამის გაკეთებას. ერთადერთი, რისი უზრუნველყოფასაც ვცდილობთ სომხეთ-აზერბაიჯანის მოგვარების პროცესში, არის შემდეგი: მიგვაჩნია, რომ ეს მოწესრიგება არ შეიძლება იყოს რეალისტური, სრული, გრძელვადიანი, სტაბილური, თუ ამ მოგვარების ფარგლებში არ შეიქმნება დიალოგის მექანიზმი. სადაც მთიანი ყარაბაღის მოსახლეობას და ოფიციალურ ბაქოს შეეძლებათ დიალოგი, განხილვა, მოლაპარაკება ყველა იმ საკითხზე, რომელიც საინტერესო და მნიშვნელოვანია მთიანი ყარაბაღის ხალხისთვის და მათი მომავლისთვის“, – განაცხადა მირზოიანმა.
