ორივე შემთხვევაში საკმაოდ დიდი სამუშაო გაკეთდა და შეიძლება დიდი გავლენა იქონიოს. News.am-ის გადმოცემით, ამის შესახებ 6 ივნისს, ეროვნულ ასამბლეაში ჟურნალისტებთან საუბარში სიუნიქის მაზრის გუბერნატორმა რობერტ ღუკასიანმა ისაუბრა იმაზე, რომ სიუნიქში ირანის საკონსულო გაიხსნა, ახლა კი რუსეთს სურს რეგიონში საკონსულოს გახსნა.
„დიდი იმედი მაქვს, რომ ეს არ იქნება ბოლო საკონსულო, რომელიც გაიხსნება სიუნიქში“, – განაცხადა მან.
დაკვირვებაზე, რომ არის ლავროვის მეორე გეგმა სიუნიქის რუსულ-თურქული გახდომის შესახებ და ამიტომ ხსნიან იქ რუსეთის საკონსულოს, რომ მოსკოვს თვალი უჭირავს ე.წ. ზანგეზურის დერეფანზე და მისი გაკონტროლება სურს, რობერტ ღუკასიანმა აღნიშნა: „არ ვიცი ვინ რას ამბობს, მაგრამ სიუნიქი იყო, არის და იქნება სომხური. ის ჩვენი სამშობლოს განუყოფელი ნაწილია. ასე უნდა იფიქროს ყველა სომეხმა და ეს განხილვას არ ექვემდებარება. ვის რა გეგმები აქვს სიუნიქში, ეს მათი პრობლემაა, ყოველ შემთხვევაში, ამ მომენტამდე ამ გეგმებმა არ იმუშავა და ძალიან კარგია, რომ არ იმუშავა. დარწმუნებული ვარ, ისინი დიდხანს არ იმუშავებენ“.
