რუსეთი მზადაა სომხეთთან ატომური ელექტროსადგურის მშენებლობის ფინანსური საკითხები განიხილოს  – მიშუსტინი

რუსეთი მზადაა ევრაზიის ეკონომიკური კავშირის (EEU) პარტნიორებთან, მათ შორის სომხეთთან ერთად განიხილოს მათ ტერიტორიაზე ატომური ელექტროსადგურების მშენებლობის ფინანსური საკითხები, ასევე ბლოკების სიმძლავრესთან დაკავშირებული პარამეტრები.

როგორც “არსენპრესი” TASS-ზე დაყრდნობით იუწყება, გამოფენაზე “ევრაზია ჩემი სახლია” რუსეთის პრემიერ-მინისტრმა მიხაილ მიშუსტინმა განაცხადა. გამოფენაში მონაწილეობა მიიღო სომხეთის პრემიერ მინისტრმა ნიკოლ ფაშინიანმაც.

  დელეგაციების ლიდერებს მსოფლიოში ყველაზე ახალგაზრდა და ეფექტური ატომური ელექტროსადგურის ერთობლივი რუსულ-ბელორუსული პროექტის შესახებ განუცხადეს. იმ ატომურ ელექტროსადგურს აქვს ორი ენერგობლოკი 1200 მეგავატი სიმძლავრით. ამ დროისთვის ბელორუსის ატომური ელექტროსადგურის პირველი ბლოკი უკვე ექსპლუატაციაში შევიდა, მეორე კი ტესტირებას  გადის.

მიშუსტინმა სომხეთის პრემიერ-მინისტრის ნიკოლ ფაშინიანის ყურადღება მიიპყრო პროექტის დაფინანსების სისტემაზე და აღნიშნა, რომ ბელორუსულმა კომპანიებმა მხოლოდ 40 პროცენტზე ცოტა მეტი დააფინანსეს.

კომპანია „როსატომის“ ხელმძღვანელმა ალექსეი ლიხაჩოვმა აღნიშნა, რომ პროექტებს ისე ახორციელებენ, როგორც ამას გააკეთებდნენ საკუთარი ქვეყნისთვის.

„ჩვენ პასუხისმგებელნი ვართ რუსეთის ფედერაციისა და IAEA-ს ყველა უმკაცრეს სტანდარტზე ხარისხის, ეფექტურობისა და უსაფრთხოების შესახებ“, – განაცხადა ლიხაჩოვმა.

ფაშინიანმა, თავის მხრივ, შენიშნა, რომ, როგორც მას განუცხადეს, „როსატომი“ მხოლოდ 1200 მეგავატი სიმძლავრის ბლოკების მშენებლობას გვთავაზობს, მაგრამ არა უფრო დაბალს.

„ჩვენ ვაშენებთ 1000, 600 და 400 მეგავატიან ერთეულებს, მაგრამ ეს იქნება პირველადი პროექტები და ცოტა უფრო ძვირი“, – უპასუხა ლიხაჩოვმა.

მიშუსტინმა შესთავაზა სომეხ კოლეგებს  ჩაატარონ შეხვედრა და განიხილონ ფასების პოლიტიკა.