საგარეო საქმეთა მინისტრის მოადგილემ ვაჰან კოსტანიანმა ჟურნალისტებთან ბრიფინგზე სომხეთ-აზერბაიჯანის საზღვარზე ცეცხლის შეწყვეტის რეჟიმის პერიოდულ დარღვევაზე ისაუბრა. „აზერბაიჯანის ხელმძღვანელობის ქმედებები, კერძოდ, დაძაბულობა როგორც სომხეთის საზღვარზე, ასევე სიტუაციის დაძაბულობა მთიან ყარაბაღში, ნამდვილად არ უწყობს ხელს რეგიონში მშვიდობის დამყარებას და ეჭვქვეშ აყენებს აზერბაიჯანის განცხადებებს, რომ ისინი ნამდვილად დაინტერესებული არიან სტაბილურობისა და მშვიდობის დამყარებით“, – განაცხადა მან.
მან ასევე ისაუბრა რეგიონში სატრანსპორტო მარშრუტების განბლოკვაზე, კერძოდ, რუსეთის ვიცე-პრემიერ ალექსეი ოვერჩუკის განცხადებებზე. კოსტანიანმა დაარწმუნა, რომ სომხეთისთვის მნიშვნელოვანია დაფიქსირდეს პრინციპები, რომ განბლოკვა უნდა მოხდეს მხარეთა იურისდიქციისა და სუვერენიტეტის საფუძველზე. „თუ დღემდე ვერ დავადგინეთ, რომ ბლოკადის მოხსნა მოხდება სუვერენიტეტისა და იურისდიქციის ფარგლებში, ბუნებრივია, დესტრუქციული მხარე აზერბაიჯანია“.
მინისტრის მოადგილემ ასევე ხაზგასმით აღნიშნა, რომ ჯერ კიდევ 2021წ. იანვრიდან სომხეთი ყოველთვის კონსტრუქციული და დაინტერესებული იყო ბლოკადის პროცესის განხორციელებით. „ჩვენ დაინტერესებული ვართ რეგიონული ინფრასტრუქტურისა და სატრანსპორტო მარშრუტების განბლოკვით, რადგან მიგვაჩნია, რომ ,,სომხური გზაჯვარედინის“ პროექტს დიდი პოტენციალი აქვს იმ გეოპოლიტიკური განვითარებისა და ლოჯისტიკური პრობლემების გათვალისწინებით, რაც დღეს მსოფლიოს წინაშე დგას“.
