ერევანში სომხურ-გერმანულ მთავრობათაშორისი მოლაპარაკებები დაიწყო

ერევანში დაიწყო ორდღიანი მთავრობათაშორისი მოლაპარაკებები სომხურ-გერმანული თანამშრომლობის განვითარების შესახებ, რომლის თანათავმჯდომარეები არიან სომხეთის ეკონომიკის მინისტრი ვაჰან ქერობიანი და გდრ ეკონომიკური განვითარებისა და თანამშრომლობის სამინისტროს სახელმწიფო მდივანი  ნილს ანენი.

როგორც NEWS.am-ს სრ  ეკონომიკის სამინისტროდან აცნობეს, ვაჰან ქერობიანმა აღნიშნა, რომ ევროკავშირის ქვეყნებს შორის სომხეთის ყველაზე დიდი სავაჭრო ბრუნვის წილი გერმანიაზე მოდის.

„სომხეთსა და გერმანიას შორის სავაჭრო-ეკონომიკური ურთიერთობები ყოველწლიურად ვითარდება და ფართოვდება. ამგვარად, სომხეთის სავაჭრო ბრუნვამ გერმანიასთან, ექსპორტიორი ქვეყნის მახასიათებლების მიხედვით, 2023 წლის იანვარ-სექტემბერში 500 მილიონი აშშ დოლარი შეადგინა, რაც წინა წლის ანალოგიურ პერიოდთან შედარებით 36,9%-ით გაიზარდა“, – განაცხადა მინისტრმა.

შეხვედრაზე განიხილეს მდგრადი ეკონომიკური განვითარება, კლიმატის ცვლილება, განახლებადი ენერგია და ენერგოეფექტურობა, კერძო სექტორისა და ფინანსური სექტორის განვითარება, ტექნიკური და პროფესიული განათლება და ტრენინგი, კარგი მმართველობა და სხვა ორმხრივი ინტერესის საკითხები.