საქართველო მხარს უჭერს სომხეთის ინიციატივას „მშვიდობის გზაჯვარედინი“. ამის შესახებ ერევანში, ზღვაზე გასასვლელის არ მქონე განვითარებადი ქვეყნების მინისტერიალზე განაცხადა საქართველოს საგარეო საქმეთა მინისტრის მოადგილემ ლაშა დარსალიამ.
მისი თქმით, საქართველო “მხარს უჭერს თავის კარგ მეგობარსა და პარტნიორს, სომხეთს”.
დარსალიამ მაღალი შეფასება მისცა სომხეთის ძალისხმევას, რომელიც „მნიშვნელოვანია მთელი რეგიონისთვის“. მისი თქმით, საქართველო მხარს უჭერს სომხეთის პრემიერ-მინისტრის მიერ წარმოდგენილ მშვიდობიან სამეზობლო ინიციატივებს. „სამხრეთ კავკასია ხდება მნიშვნელოვანი რეგიონი კომუნიკაციებისა და შუა დერეფნის თვალსაზრისით. ამ კონტექსტში მნიშვნელოვანია საქართველოს მთავრობის მიდგომები. თქვენ შეგიძლიათ ელოდოთ ჩვენს მხარდაჭერას“, – განაცხადა ოფიციალურმა წარმომადგენელმა.
საქართველოს საგარეო საქმეთა მინისტრის მოადგილემ შეახსენა, რომ საქართველოს ევროკავშირში გაწევრიანებაზე განაცხადის საკითხი დღეს ან ხვალ გადაწყდება. „ყველანი წარმატებებს ვუსურვებთ საქართველოს და-ძმებს ამ ძალიან მნიშვნელოვან ფაქტსა და მოვლენასთან დაკავშირებით“, – განაცხადა სრ საგარეო საქმეთა მინისტრმა არარატ მირზოიანმა.
