2024 წლის 1 იანვრიდან სომხეთის რესპუბლიკამ მიიღო ევრაზიის ეკონომიკური კავშირის ორგანოების თავმჯდომარეობა. 2024 წლის განმავლობაში სრ უხელმძღვანელებს ევრაზიის უმაღლეს ეკონომიკურ საბჭოს, ევრაზიის მთავრობათაშორის საბჭოს და ევრაზიის ეკონომიკური კომისიის საბჭოს, ნათქვამია კავშირის ვებსაიტზე.
აღნიშნულია, რომ თავმჯდომარეობის ფარგლებში მოსკოვში გაიმართება ევრაზიის ეკონომიკური კავშირის 10 წლის იუბილესადმი მიძღვნილი ევრაზიის ეკონომიკური უმაღლესი საბჭოს სხდომა, ევრაზიის III ეკონომიკური ფორუმი, ევრაზიის მთავრობათაშორისი საბჭოს სხდომა და რიგი სხვა ღონისძიებები.
უახლოეს მომავალში სომხეთის თავმჯდომარეობის პრიორიტეტულ მიმართულებებზე სიტყვით გამოვა სომხეთის პრემიერ-მინისტრი, ევრაზიის უმაღლესი ეკონომიკური საბჭოსა და ევრაზიის მთავრობათაშორისი საბჭოს თავმჯდომარე ნიკოლ ფაშინიანი.
