სომხეთის ამჟამინდელი ხელისუფლების დღის წესრიგი არის მშვიდობის დღის წესრიგი და ისინი გააგრძელებენ მის განხორციელებას. ამის შესახებ ეროვნულ ასამბლეაში ტრადიციულ ბრიფინგზე განაცხადა მმართველი ფრაქცია „სამოქალაქო ხელშეკრულების“ მდივანმა არტურ ჰოვჰანნისიანმა.
თუმცა, მისი აღიარებით, ეს გზა იოლი არ არის. „ჩვენ თავიდანვე ვთქვით, რომ ეს არ არის იოლი გზა. ჩვენ ჯერ კიდევ ვხვდებით დაბრკოლებებს. განსაკუთრებით აგრესიული რიტორიკის თვალსაზრისით. მაგრამ ჩვენ ვიზიარებთ პრემიერ-მინისტრის იმედს, რომ ეს არ არის სამშვიდობო გეგმის ჩიხში მიყვანის მცდელობა“, – განაცხადა ჰოვჰანნისიანმა. თუმცა, როგორც პარლამენტარმა აღნიშნა, თუნდაც ეს პროცესის ჩიხში მიყვანის მცდელობა იყოს, ხელისუფლება არავითარ შემთხვევაში არ დათმობს პოლიტიკურ დღის წესრიგს. „სომხეთის რესპუბლიკას არ აქვს ომის დღის წესრიგი. მას მხოლოდ სამშვიდობო დღის წესრიგი აქვს და ჩვენ ამ გზით მივდივართ“, – აღნიშნა დეპუტატმა.
