„მშვიდობის გზაჯვარედინი“ პროექტით სომხეთმა მკაფიოდ წარმოადგინა ყველა გზა, რკინიგზა, არხი, რომლის გასახსნელადაც მზადაა.
ამის შესახებ 18 დეკემბერს სრ ეროვნულ ასამბლეაში გამართულ ბრიფინგზე განაცხადა ფრაქცია „სამოქალაქო ხელშეკრულების“ დეპუტატმა არუსიაკ ჯულჰაკიანმა.
„სომხეთი გამოვიდა „მშვიდობის გზაჯვარედინზე“ პროექტით, რომელშიც ნათლად არის წარმოდგენილი ყველა გზა, რკინიგზა და შესაძლო არხი, რომლის გახსნისთვისაც მზადაა, სურს და დაინტერესებულია. რას ამბობს აზერბაიჯანის პრეზიდენტი, ჩვენ მიერ წარმოდგენილი გზების რომელი ნაწილია მისთვის საინტერესო, ეს არის მისი დღის წესრიგი და არ მიმაჩნია მართებულად ამ დღის წესრიგში შესვლა. სწორად მიმაჩნია ჩვენი დღის წესრიგით წინსვლა“, – ხაზგასმით აღნიშნა ჯულჰაკიანმა და დასძინა, რომ პროექტი „მშვიდობის გზაჯვარედინი“ წარედგინა საერთაშორისო საზოგადოებას, მათ შორის აზერბაიჯანს და რეგიონის სხვა სახელმწიფოებს.
ეროვნული ასამბლეის ფრაქცია „სამოქალაქო ხელშეკრულების“ დეპუტატმა არტურ ჰოვჰანნისიანმა ასევე აღნიშნა, რომ საკითხზე განხილვისას აზერბაიჯანიდან იყო მრავალი მიდგომა და წინადადება სხვადასხვა გზებთან დაკავშირებით, რაც სომხურმა მხარემ სომხეთის რესპუბლიკის სახელმწიფო ინტერესის გათვალისწინებით უარყო.
„სამშვიდობო დღის წესრიგის ფარგლებში, რომელიც საუბრებსა და მოლაპარაკებებს გულისხმობს, წინადადებები კეთდება ორივე მხრიდან. ბევრი წინადადება გაკეთდა ჩვენს მიერ, რომელიც არ მიიღო აზერბაიჯანმა, და წინადადებები გაკეთდა აზერბაიჯანის მხრიდან, რომლებიც ჩვენ უარვყავით სომხეთის რესპუბლიკის სახელმწიფო ინტერესების გათვალისწინებით“, – განმარტა ჰოვჰანნისიანმა.
