“ტოტალური კონტროლი”: აზერბაიჯანის ციხეები არჩევნების წინ ჟურნალისტებითა და დისიდენტებით ივსება – (OCCRP)

როდესაც სევინჯ ვაგიფგიზი მოზარდი იყო, მას ისე უნდოდა ჟურნალისტი გამხდარიყო, რომ კოლეჯში მისაღებ გამოცდებზე კინაღამ ჩაიჭრა. სწორედ ამ კარიერამ მიიყვანა ის ციხეში, ხუთ კოლეგასთან და აზერბაიჯანის ავტორიტარული ხელისუფლების ათეულობით სხვა კრიტიკოსთან ერთად. რეპრესიებმა.  რომელმაც მთელი ქვეყანა მოიცვა ბოლო თვეების განმავლობაში, მოიცვა  გამომძიებლები, აქტივისტები, შრომის ორგანიზატორები, სხვა ჟურნალისტები და პატივცემული აკადემიკოსები, რომელთა სიცოცხლე შესაძლოა ბალანსზე იყოს, განაცხადა ორგანიზებული დანაშაულისა და კორუფციის გაშუქების პროექტმა (OCCRP).

სანამ ისინი გისოსებს მიღმა იქნებიან, ქვეყნის პრეზიდენტი ილჰამ ალიევი ნდობას აფრქვევს. ის საჯაროდ „დაესხა თავს“ შეერთებულ შტატებს, დაუპირისპირდა უფლებადამცველ საერთაშორისო ორგანიზაციებს და იპოვა დრო ეზეიმა  თავისი უკანასკნელი გამარჯვება: მთიანი ყარაბაღის 100 000-ზე მეტი სომეხის განდევნა მათი სახლებიდან.

ალიევმა ასევე დანიშნა ვადამდელი არჩევნები 7 თებერვალს, რომლის შედეგში, რა თქმა უნდა, ეჭვი არ ეპარება. ისინი გაიმართება ორგანიზებული კრიტიკისა და წინააღმდეგობის ყოველგვარი კვალისაგან გაწმენდილ გარემოში.