სომხეთმა ნატოს მისიაში (ბრიუსელი), ევროპაში მოკავშირეთა უმაღლეს სარდლობაში (მონსი) და ეუთოს მისიაში (ვენა) თავისი წარმომადგენლები თავდაცვის ატაშეებით შეცვალა. ამის შესახებ გადაწყვეტილება მიიღეს მთავრობის 15 თებერვლის სხდომაზე.
აღნიშნულია, რომ საერთაშორისო ორგანიზაციებში წარმომადგენლისა და სახელმწიფო მრჩევლის ნაცვლად, სომხეთის რესპუბლიკის თავდაცვის საკითხებზე ატაშეს ყოლა გამომდინარეობს ამ საერთაშორისო ორგანიზაციებში ჩამოყალიბებული საერთაშორისო პრაქტიკიდან, სადაც ძირითადად თავდაცვისა და სამხედრო საკითხებში სახელმწიფოების წარმომადგენლები სამხედრო პერსონალია.
გადაწყვეტილების პროექტის მიღებით, ასევე მცირდება ნატოში სრ სამხედრო წარმომადგენლის თანამდებობა, რომელიც დიდი ხანია ვაკანტური იყო და ამ თანამდებობის შემდგომი შენარჩუნება სრ – ნატოს შორის თავდაცვის თანამშრომლობის ფარგლებში თავდაცვის სექტორში აღარ არის შესაბამისი.
„ამგვარად, პროექტების მიღებით განისაზღვრება:
1) ჩრდილოატლანტიკური ხელშეკრულების ორგანიზაციაში სომხეთის რესპუბლიკის მისიასთან არსებული სომხეთის რესპუბლიკის თავდაცვის საკითხებში ატაშეს შტატი;
2) ჩრდილო ატლანტიკური ხელშეკრულების ორგანიზაციაში სომხეთის რესპუბლიკის მისიასთან არსებული ჩრდილო ატლანტიკური ხელშეკრულების ორგანიზაციის ევროპაში მოკავშირეთა ძალების უმაღლეს სარდლობაში სომხეთის რესპუბლიკის თავდაცვის საკითხებში ატაშეს შტატი;
3) ევროპაში უსაფრთხოებისა და თანამშრომლობის ორგანიზაციაში სომხეთის რესპუბლიკის მისიასთან დაკავშირებული სომხეთის რესპუბლიკის თავდაცვის საკითხებით ატაშეს შტატი;
4) მცირდება ჩრდილოატლანტიკური ალიანსის ორგანიზაციაში სომხეთის რესპუბლიკის მისიაში სომხეთის რესპუბლიკის სამხედრო წარმომადგენლის შტატი“, – ნათქვამია პროექტის დასაბუთებაში.
