სომხეთმა რუსეთს ოფიციალურად აცნობა, რომ აეროპორტ „ზვართნოცში“ რუსი მესაზღვრეების  მხარდაჭერა და მონაწილეობა აღარ სჭირდება

სომხეთმა რუსეთს აცნობა, რომ საერთაშორისო აეროპორტში „ზვარტნოცში“ განხორციელებული მესაზღვრე სამსახურისთვის რუსული მხარის მხარდაჭერა და მონაწილეობა აღარ სჭირდება. როგორც “არმენპრესი” იუწყება, ამის შესახებ საგარეო საქმეთა მინისტრმა არარატ მირზოიანმა პრესკონფერენციაზე განაცხადა, რომელიც ეხება რუსი მესაზღვრეების გაყვანის საკითხს საერთაშორისო აეროპორტიდან “ზვარტნოციდან”.

„მინდა ხაზგასმით აღვნიშნო, რომ თავიდანვე რუსი მესაზღვრეების მონაწილეობა რიგ პუნქტებში, მათ შორის ზვარტნოცის აეროპორტში, იყო ახალი დამოუკიდებელი სომხური სახელმწიფოს მხარდაჭერა და გამიზნული იყო ამ ფუნქციის შესრულება მანამ, სანამ სომხეთს დასჭირდებოდა. როდესაც სომხეთს ექნებოდა საკუთარი ინსტიტუციური შესაძლებლობები, ამ ფუნქციას სრულად განახორციელებს სომხეთი თავისი შესაბამისი ორგანოების მეშვეობით.

ახლა კი ვფიქრობთ, რომ სომხეთის რესპუბლიკას ინსტიტუციურად შეუძლია „ზვარტნოცის“ აეროპორტში სასაზღვრო  სამსახური განახორციელოს და ამის შესახებ რუსულ მხარეს ვაცნობეთ“, – აღნიშნა მირზოიანმა.

საგარეო საქმეთა მინისტრი ვარაუდობს, რომ რუსეთის ფედერაციაში გაგზავნილი შეტყობინება საკმარისი იქნება რუსული მხარისთვის და საკითხი ასე გადაწყდება.

სომხურმა მხარემ შეატყობინა რუსულ მხარეს, რომ მას აღარ სჭირდება რუსული მხარის მხარდაჭერა და მონაწილეობა ზვარტნოცის საერთაშორისო აეროპორტის მესაზღვრე სამსახურში და მადლობა გადაუხადა მათ“, – დაასკვნა მირზოიანმა.