სურსათის უვნებლობის ინსპექციის ორგანოს „არარატის კონიაკის ქარხნის“ პროდუქციის აკრძალვის შესახებ ოფიციალური წერილი ბელორუსიიდან ჯერ არ მიუღია. ამის შესახებ NEWS.am-მა შინაგან საქმეთა და კომუნიკაციების სამინისტროდან შეიტყო.
აღსანიშნავია, რომ ლაბორატორიული გამოკვლევების შედეგად „აირუმის“ ბროწეულის ღვინის შემადგენლობაში აღმოჩნდა სინთეზური საღებავი, რაც მიუთითებს პროდუქციის ყალბობაზე.
ბელორუსის მთავარმა სანიტარმა, ჯანდაცვის მინისტრის მოადგილემ ალექსანდრე ტარასენკომ მიიღო გადაწყვეტილება რესპუბლიკის ტერიტორიაზე “არარატის კონიაკის ქარხნის” პროდუქციის იმპორტისა და რეალიზაციის აკრძალვის შესახებ. გადაწყვეტილებას ხელი 19 მარტს მოეწერა. შესაბამისად, შეწყდა სომხური კომპანიის მოცემული ღვინის მიმოქცევაც, რადგან მისი შემადგენლობა არ აკმაყოფილებს ბელორუსის საკანონმდებლო მოთხოვნებს.
ღვინო ეკუთვნის შპს “არარატის კონიაკის ქარხანას”, რომელიც ოპერირებს არარატის რაიონის სოფელ არარატში. ალკოჰოლური სასმელების წარმოებით დაკავებული კომპანია 2009 წელს დაარსდა.
