რუბინიანსა და საქართველოს პარლამენტის დელეგაციას შორის შეხვედრაზე ხაზი გაესვა რეგიონში მშვიდობის დამყარებას
დღეს, საქართველოს პარლამენტის დელეგაცია, განათლების, მეცნიერებისა და ახალგაზრდულ საქმეთა კომიტეტის თავმჯდომარის, გივი მიქანაძის ხელმძღვანელობით მიიღო სრ ეროვნული კრების ვიცესპიკერმა, სომხეთ-საქართველოს მეგობრობის ჯგუფის ხელმძღვანელმა რუბენ რუბინიანმა. ამის შესახებ ინფორმაციას ავრცელებს ეროვნული კრება.
ორმხრივ კავშირებზე საუბრისას, პარლამენტის ვიცესპიკერმა ხაზგასმით აღნიშნა, რომ სომხურ-ქართული ურთიერთობები სტრატეგიულ დონეზეა.
რუბენ რუბინიანის თქმით, ბოლო წლებში საპარლამენტთაშორისო თანამშრომლობა იზრდება, რასაც ხელს უწყობს მეგობრული ჯგუფების ეფექტური მუშაობა.
მადლიერება გამოხატა რა თბილი დახვედრისთვის, გივი მიქანაძემ აღნიშნა, რომ ორი ქვეყნის ურთიერთობა მჭიდროა არა მხოლოდ კულტურულ-ისტორიული კავშირების კუთხით, არამედ საპარლამენტო მმართველობის სისტემაშიც ბევრი მსგავსებაა.
საუბარი შეეხო ორმხრივ თანამშრომლობას საპარლამენტთაშორისო ორგანიზაციებში.
მხარეებმა ყურადღება გაამახვილეს რეგიონში მშვიდობის დამყარებაზე.
შეხვედრაში მონაწილეობდა პარლამენტის მეცნიერების, განათლების, კულტურის, დიასპორის, ახალგაზრდობისა და სპორტის მუდმივმოქმედი კომიტეტის თავმჯდომარე სისაკ გაბრიელიანი.
