აშშ სომხეთს 65 მილიონ დოლარზე მეტ დახმარებას გამოუყოფს

შეერთებული შტატები ინვესტიციას ახორციელებს იმ ძალისხმევაში, რომელიც შეესაბამება პრემიერ-მინისტრ ნიკოლ ფაშინიანის მთავრობის ეკონომიკურ რეფორმებს. ამის შესახებ ბრიუსელში განაცხადა აშშ-ის სახელმწიფო მდივანმა ენტონი ბლინკენმა.

„ჩვენი ბიუჯეტიდან 65 მილიონ დოლარზე მეტი დახმარების გამოყოფას ვაპირებთ, რაც ორი წლის წინანდელ მაჩვენებელზე 50%-ით მეტია. ჩვენ მზად ვართ გავაგრძელოთ სომხეთის დემოკრატიული და ეკონომიკური მდგრადობის მხარდაჭერა“, – განაცხადა ბლინკენმა

მან აღნიშნა, რომ აშშ გააგრძელებს მთიანი ყარაბაღიდან დევნილ 100 000-ზე მეტი სომეხის მხარდაჭერას. „ეს არის სომხეთის გრძელვადიანი სტაბილურობისა და კეთილდღეობის, ასევე რეგიონული უსაფრთხოების გასაღები. ჩვენ ასევე მხარს ვუჭერთ ხალხის ეკონომიკაში, საზოგადოებაში ინტეგრაციის მცდელობებს, მათ შორის საცხოვრებლის, დასაქმების, განათლების ხელმისაწვდომობას“, – თქვა მან.

ბლინკენმა აღნიშნა, რომ სომხეთის რეგიონული ინტეგრაცია უსაფრთხოებისა და კეთილდღეობის გასაღებია და გამოხატა სომხეთის პრემიერ-მინისტრის წინადადების „მშვიდობის გზაჯვარედინი“ მხარდაჭერა.

„ჩვენ ვხედავთ უფრო ინტეგრირებულ სამხრეთ კავკასიას ახალი სატრანსპორტო მარშრუტებით, ენერგეტიკული თანამშრომლობით, ტელეკომუნიკაციებით. ეს ხელს შეუწყობს დივერსიფიცირებულ ეკონომიკას, შესაძლებლობების გაფართოებას და ხელს შეუწყობს მშვიდობისა და შერიგების მცდელობებს“, – თქვა მან.