მსოფლიო ბანკმა 2024-2025 წლებში სომხეთის მთლიანი შიდა პროდუქტის ზრდის პროგნოზი იანვრის წინა პროგნოზთან შედარებით გაზარდა. ამის შესახებ ნათქვამია მსოფლიო ბანკის ანგარიშში ევროპისა და ცენტრალური აზიის შესახებ.
ანგარიშის მიხედვით, სომხეთის მთლიანი შიდა პროდუქტის ზრდა 2024 წელს 5,5%-ით, 2025 წელს კი 4,9%-ით არის პროგნოზირებული, რაც იანვრის პროგნოზზე, შესაბამისად, 0,8%-ით და 0,4%-ით მეტია.
2023 წელს სომხეთის მშპ-ს ზრდამ შეადგინა 8,7%, 2022 წელს – 12,6%. მსოფლიო ბანკი სამხრეთ კავკასიის ქვეყნებში წელს 3,5 პროცენტიან ინფლაციას პროგნოზირებს, 2023 წელს 3,8 პროცენტიანი ინფლაციის შემდეგ.
მოსალოდნელია, რომ სომხეთსა და საქართველოში ზრდა შენელდება, რადგან მის ხელშემწყობი ფაქტორები, იმიგრანტებისა და კაპიტალის დიდი ნაკადი რუსეთიდან, კვლავ სუსტდება.
ამასთან, სომხეთში უმუშევრობა 13,75%-დან 12,5%-მდე შემცირდა. ასევე აღნიშნულია, რომ ხელფასები 12,5%-ით გაიზარდა.
