სომხეთის რესპუბლიკის ეროვნული ასამბლეის სპიკერის ალენ სიმონიანის ხელმძღვანელობით დელეგაცია 16-19 აპრილს ოფიციალური ვიზიტით ლიტვის რესპუბლიკაში გაემგზავრა.
„ARMENPRESS“ -ის ცნობით, ამის შესახებ ინფორმაციას სომხეთის რესპუბლიკის ეროვნული ასამბლეა ავრცელებს, ვიზიტის ფარგლებში დაგეგმილია ორმხრივი შეხვედრები ლიტვის რესპუბლიკის პრეზიდენტთან გიტანას ნაუსედასთან, პრემიერ-მინისტრთან ინგრიდა შიმონიტეისთან, სეიმის სპიკერთან ვიქტორია ჩმილიტე-ნილსენთან, საგარეო საქმეთა მინისტრთან გაბრიელიუს ლანდსბერგისთან და ლიტვა-სომხეთის მეგობრობის ჯგუფთან.
