კალიფორნიის შტატის წარმომადგენელმა ტომ მაქქლინტოქმა განაცხადა, რომ შეერთებულ შტატებს ახსოვს სომეხთა გენოციდის დროს მომხდარი სისასტიკე და მოუწოდებს თურქეთის მთავრობას აღიაროს გენოციდი.
Armenpress-ის ინფორმაციით, ამის შესახებ აშშ-ის კონგრესში სომეხთა გენოციდის, სომხეთისა და მთიანი ყარაბაღის მსხვერპლთა ხსოვნისადმი მიძღვნილ ღონისძიებაზე განაცხადა მაქქლინტოქმა.
„ჩვენ გვახსოვს სომეხთა გენოციდის დროს მომხდარი სისასტიკე და მათგან მიღებული გაკვეთილები და თურქეთის მთავრობასაც ვთხოვთ იგივე გააკეთოს. რა თქმა უნდა, ბავშვები არ არიან დამნაშავენი მშობლების ცოდვებში, მაგრამ წარსულის გულწრფელი აღიარება ხელს შეგვიშლის ამ ცოდვების გამეორებაში. ჩვენ განსაკუთრებულ ყურადღებას ვაქცევთ მთიანი ყარაბაღის ხალხის წინააღმდეგ მათი მარიონეტების მიერ ჩადენილ ბოლო დანაშაულებს და ვლოცულობთ, რომ ამაზე პასუხისმგებელმა ბნელმა ძალებმა იფიქრონ და მოინანიონ“, – აღნიშნა კონგრესმენმა.
