ბაქოს ციხეში მყოფმა რუბენ ვარდანიანმა შიმშილობა გამოაცხადა. ითხოვს ყველა სომეხი პატიმრის დაუყოვნებლივ გათავისუფლებას

ბაქოს ციხეში მყოფმა რუბენ ვარდანიანმა შიმშილობა გამოაცხადა და მოითხოვა მისი და ბაქოში უკანონოდ მყოფი სომეხი პატიმრების დაუყონებლივ და უპირობო გათავისუფლება. ამის შესახებ რუბენ ვარდანიანის ოჯახმა განაცხადა.

მან შიმშილობა 2024 წლის 5 აპრილს დაიწყო. იგი მოჰყვა ვარდანიანისა და მისი ადვოკატის მრავალრიცხოვან მოთხოვნას, უზრუნველყონ დროული, სამართლიანი და გამჭვირვალე სასამართლო პროცესი საერთაშორისო სამართლებრივი სტანდარტების შესაბამისად. აღსანიშნავია, რომ შიმშილობის დაწყების შემდეგ შეწყდა მისი სატელეფონო ზარები ოჯახთან, რაც ღიად არღვევდა საერთაშორისო სამართლის ყველა ნორმას. აღსანიშნავია, რომ იანვარში მოსალოდნელი სასამართლო პროცესი უსაფუძვლოდ მაისამდე გადაიდო.

2023 წლის სექტემბერში აზერბაიჯანის მიერ უკანონოდ დაპატიმრებულ რუბენ ვარდანიანს და არცახის რესპუბლიკის კიდევ 7 ყოფილ და ამჟამინდელ თანამდებობის პირს პოლიტიკური მიზეზების გამო შეთითხნილი ბრალდებები წაუყენეს. ყველა მათგანი პოლიტპატიმარია.

„ძალიან შეშფოთებული ვარ მამაჩემის ჯანმრთელობისა და მდგომარეობის გამო. ჩვენ ის 200 დღეზე მეტია არ გვინახავს. 5 აპრილიდან, როცა შიმშილობა დაიწყო, ჩვენ მასთან არანაირი შეხება არ გვქონია“, – განაცხადა რუბენ ვარდანიანის უფროსმა ვაჟმა დავით ვარდანიანმა.

2022 წლის ნოემბრიდან 2023 წლის თებერვლამდე ცრუ ბრალდებები წაუყენეს რუბენ ვარდანიანს, რომელიც თებერვალში არცახის რესპუბლიკის სახელმწიფო მინისტრის თანამდებობას იკავებდა. მისი დაკავების პირობები არღვევს საერთაშორისო სამართლის ყველა ნორმას. მას სასამართლო პროცესი ემუქრება, რომელიც არ დააკმაყოფილებს საერთაშორისო სტანდარტებს, განსაკუთრებით სასამართლო პროცესის ხელმისაწვდომობის და საერთაშორისო დამკვირვებლების პროცედურების კუთხით.

გარდა ამისა, რუბენ ვარდანიანის საქმე გამოეყო დანარჩენი შვიდი პოლიტპატიმრის საქმეს, რაც აჩენს კითხვებს მის პოლიტიკურ მიზნებთან დაკავშირებით.

„რუბენისა და არცახის სხვა ყოფილი ლიდერების უკანონო დაკავება არის ადამიანის უფლებებისა და საერთაშორისო მართლმსაჯულების სისტემის უხეში დარღვევა და ის უნდა შეწყდეს. მთელი ამ სიტუაციის ირონია ის არის, რომ აზერბაიჯანი, რომელიც მასპინძლობს გაეროს კლიმატის ცვლილების კონფერენციას, COP 29, ურცხვად ცდილობს თავისი საერთაშორისო რეპუტაციის „გასუფთავებას“. COP დიდ ყურადღებას აქცევს კლიმატის ცვლილებასა და ადამიანის უფლებებს შორის კავშირს, მაშინ როცა ისინი აშკარად არღვევენ ორივეს“, – თქვა გაეროს გლობალური შეთანხმების ვიცე-პრეზიდენტმა, Aurora Humanitarian Initiative-ის შერჩევის კომიტეტის წევრმა ფოლ ფოლმანმა.

რუბენ ვარდანიანის ოჯახი ითხოვს.

დაუყოვნებლივ და უპირობოდ გაათავისუფლონ ყველა უკანონოდ დაკავებული სომეხი პატიმარი, მათ შორის რუბენ ვარდანიანი.

თუ არასამართლებრივი სასამართლო პროცესები გაიმართება, ისინი უნდა ჩატარდეს პატიმრების ვადის ამოწურვამდე მაისში, უნდა აკმაყოფილებდეს საერთაშორისო სამართლებრივ სტანდარტებს და საერთაშორისო დამკვირვებლებსა და მედიას დასწრების საშუალება უნდა მიეცეთ.

აზერბაიჯანის მთავრობამ დაუყოვნებლივ უნდა მისცეს შესვლის უფლება საერთაშორისო წითელ ჯვარს, რათა შეაფასოს რუბენისა და სხვა პატიმრების მდგომარეობა. ოჯახს სატელეფონო კავშირი რუბენ ვარდანიანთან უნდა აღუდგეს.