ყაზახეთი არ იქნება შუამავალი სომხეთისა და აზერბაიჯანის საგარეო საქმეთა მინისტრებს შორის ალმათიში დაგეგმილ მოლაპარაკებებში.
ამის შესახებ TASS-ი ყაზახეთის საგარეო საქმეთა სამინისტროს ოფიციალური წარმომადგენლის აიბეკ სმადიაროვის სიტყვებზე დაყრდნობით იტყობინება.
„მსგავს მოლაპარაკებებს ალმათიში ვგეგმავთ. ახლა ჩვენ კონტაქტზე ვართ ჩვენს პარტნიორებთან აზერბაიჯანში და სომხეთში. მოახლოებული მოლაპარაკებები მხოლოდ მხარეებს შორის გაიმართება“, – განაცხადა საგარეო საქმეთა სამინისტროს წარმომადგენელმა და აღნიშნა, რომ საუბარია არა ასტანას შუამავლობაზე, არამედ ყაზახეთის მხრიდან კეთილგანწყობის სერვისის მიწოდებაზე“, – განაცხადა მან.
საგარეო საქმეთა სამინისტროს წარმომადგენელმა შეახსენა, რომ ყაზახეთის პრეზიდენტმა კასიმ-ჯომარტ ტოკაევმა აზერბაიჯანსა და სომხეთში ბოლო ვიზიტის დროს აღნიშნა ამ ქვეყნებს შორის ძლიერი და გრძელვადიანი მშვიდობის დამყარების მნიშვნელობაზე.
