სომხეთი მზად არის გააუმჯობესოს ურთიერთობები თურქეთთან – მირზოიანი
სომხეთი მზადაა გააუმჯობესოს ურთიერთობები თურქეთთან, დაამყაროს დიპლომატიური ურთიერთობები და გახსნას საზღვრები, დღეს ტალინში, ესტონეთის საგარეო საქმეთა მინისტრთან ერთობლივ პრესკონფერენციაზე, განაცხადა სომხეთის საგარეო საქმეთა მინისტრმა არარატ მირზოიანმა.
“ჩვენს თურქ პარტნიორებთან დიალოგის შედეგად მივაღწიეთ კონკრეტულ შეთანხმებებს და მივუთითეთ ნაბიჯები, რომლებიც უნდა გადაიდგას ურთიერთობების ნორმალიზაციისკენ”, – განაცხადა მირზოიანმა და დასძინა: „საუბრისას საზღვრის გახსნაზე მესამე ქვეყნების მოქალაქეებისთვის, ასევე სომხეთისა და თურქეთის მოქალაქეებისთვის დიპლომატიური პასპორტებით, ჩვენ მუდმივად ვადასტურებთ ჩვენს გადაწყვეტილებას ამ შეთანხმებების მიმართ. მე გულწრფელად მჯერა, რომ დროა განვახორციელოთ ეს შეთანხმება“.
გუშინ სომხეთის უშიშროების საბჭოს მდივანმა არმენ გრიგორიანმაც განაცხადა, რომ ერევანი ანკარისგან ქმედებებს ელის.
სომხეთისა და თურქეთის სპეციალური წარმომადგენლები 2022 წლის ზაფხულში შეთანხმდნენ მესამე ქვეყნების მოქალაქეებისთვის, დიპლომატიური პასპორტების მფლობელებისთვის სახმელეთო საზღვრის გახსნაზე და თუმცა მოგვიანებით მათ ეს კიდევ ერთხელ დაადასტურეს, ამ მიმართულებით პროგრესი არ არის. გრიგორიანმა დღეს განაცხადა, რომ ვადები არ დადგენილა.
