სომხეთმა ვაშინგტონში ნატოს სამიტში და ორგანიზაციის 75 წლის იუბილესთან დაკავშირებული ღონისძიებებში მონაწილეობა დაადასტურა. ამის შესახებ სომხეთის საგარეო საქმეთა სამინისტროს პრესმდივანმა ანი ბადალიანმა “ARMENPRESS”-თან საუბარში უპასუხა კითხვას, მიიღო თუ არა სომხეთმა ნატოს სამიტში მონაწილეობის მოწვევა აშშ-დან და თუ ასეა, როგორია სომხეთის პასუხი.
„სომხეთმა მიიღო მოწვევა ვაშინგტონში ნატოს სამიტში და ორგანიზაციის 75 წლის იუბილესთან დაკავშირებული ღონისძიებებში. სხვა შეთანხმება ამ დროისთვის არ არის“, – განაცხადა ბადალიანმა.
მანამდე აშშ-ის სახელმწიფო მდივნის თანაშემწემ ევროპისა და ევრაზიის საკითხებში ჯეიმს ო’ბრაიენმა აზერბაიჯანში გამართულ პრესკონფერენციაზე განაცხადა, რომ აშშ-მ მიიწვია აზერბაიჯანი და სომხეთი პარტნიორების შეხვედრაზე ნატოს სამიტის ფარგლებში, რომელიც გაიმართება ვაშინგტონში.
ნატოს სამიტი ვაშინგტონში 9-11 ივლისს გაიმართება.
