რუსეთი აგრძელებს სომხეთის მოკავშირედ მიჩნევას. ოვერჩუკი

რუსეთის ფედერაციის ვიცე-პრემიერმა ალექსეი ოვერჩუკმა განაცხადა, რომ მოსკოვი ერევანს ისევ თავის მოკავშირედ იხილავს და ორ ქვეყანას შორის ეკონომიკური თანამშრომლობა შესამჩნევ ზრდას აჩვენებს.

რუსეთის ვიცე-პრემიერის სიტყვები სააგენტო TASS-მა გაავრცელა.

„ჩვენ გვჯერა, რომ სომხეთი ჩვენი მოკავშირეა, ჩვენ გვაქვს ძალიან მნიშვნელოვანი ეკონომიკური ურთიერთობები. სომხეთთან ჩვენი სავაჭრო ბრუნვა 7,3 მილიარდი დოლარია და სტატისტიკას თუ გადავხედავთ, გასული წლის ანალოგიურ პერიოდთან შედარებით გაორმაგდა. ზრდის ტემპი ძალიან კარგია, ეკონომიკა ძალიან კარგად ვითარდება“, – განაცხადა მან და გაიხსენა სომხეთის აქტიური მონაწილეობა ევრაზიული ეკონომიკური კავშირის საქმიანობაში.