ნატო  – კრემლი აწარმოებს ფარულ კამპანიას ევროპაში, რათა შეარყიოს უკრაინის მხარდაჭერა

რუსეთის პრეზიდენტი ვლადიმერ პუტინი აწარმოებს ფარულ კამპანიას ევროპაში, რომელიც მოიცავს მკვლელობის მცდელობებს, დივერსიებს და ხანძარს, რათა შეარყიოს საზოგადოების მხარდაჭერა უკრაინის მიმართ. ამის შესახებ სამშაბათს ნატოს მაღალჩინოსანმა განაცხადა, რომელიც ჟურნალისტებს ანონიმურობის დაცვის  პირობით ესაუბრა, იუწყება „ამერიკის ხმა“.

გარდა ამისა, მისი თქმით, რუსეთს არ გააჩნია საბრძოლო მასალები და ჯარები უკრაინაში ძირითადი შეტევის დასაწყებად და უნდა უზრუნველყოს საბრძოლო მასალის მნიშვნელოვანი მარაგი სხვა ქვეყნებიდან, გარდა იმ ქვეყნებიდან, რაც უკვე აქვს.

„დღეს ჩვენ ვხედავთ რუსეთის ჯერ კიდევ ძალიან დიდ დანაკარგებს. რუსეთი ცდილობს [უკრაინის] ტერიტორიების ოკუპაციას. ჩვენ ვხედავთ უკრაინის თავდაცვის მნიშვნელოვან გაუმჯობესებას“, – განაცხადა ნატოს წარმომადგენელმა.

მან ივარაუდა, რომ რუსეთს შეეძლო შეენარჩუნებინა თავისი საომარი ეკონომიკა კიდევ სამი ან ოთხი წლის განმავლობაში.

უკრაინის შეიარაღებული ძალები თვეების განმავლობაში იმყოფებოდნენ თავდაცვაში, რადგან რუსული ძალები აგრძელებენ ძლიერ ზეწოლას და ნელ წინსვლას აღმოსავლეთ უკრაინაში.

ნატოს წარმომადგენელმა აღნიშნა, რომ უკრაინას გარკვეული დრო დასჭირდება საჭირო საბრძოლო მასალისა და პერსონალის დასაგროვებლად ახალი ფართომასშტაბიანი შეტევითი ოპერაციების განსახორციელებლად.

„ჩვენ ვხედავთ, რომ ყველაფერი დღითიდღე უმჯობესდება“, – დასძინა მან.

ნატო-მ უპასუხა რუსეთის ფარულ კამპანიას უკრაინისადმი ევროპული მხარდაჭერის შელახვის მიზნით ორი განცხადების გამოქვეყნებით, სადაც გააფრთხილა მოსკოვი, რომ ალიანსმა იცის მისი ქმედებები, თქვა ნატოს სპიკერმა.

ასევე გაიზარდა დაზვერვის გაზიარება ალიანსის წევრებს შორის, ასე რომ „ჩვენ გვაქვს საერთო გაგება იმის შესახებ, თუ რა ხდება“, თქვა მან.

„პირველი, რაც უნდა გავაკეთოთ, რომ დავუპირისპირდეთ იმას, რასაც აკეთებს ვლადიმერ პუტინი, არის ვაჩვენოთ მას, რომ ვიცით, რა ხდება“, – თქვა მან.

მან ასევე , რომ ხდება  ჩინეთის მიერ უპილოტო თვითმფრინავების, რაკეტების და „ძირითადი კომპონენტების“ მიწოდება რუსეთის თავდაცვის ინდუსტრიისთვის.

ნატოს სპიკერმა თქვა, რომ პუტინს “ჯერ კიდევ სჯერა, რომ დრო მის სასარგებლოდ მუშაობს” და მზადაა მოითმინოს “ნამდვილად განსაცვიფრებელი რაოდენობის სამხედრო მსხვერპლი”. რუსეთი თვეში დაახლოებით 30 000 ჯარისკაცის მობილიზებას ახდენს,  რაც მას საშუალებას აძლევს გაუძლოს მძიმე დანაკარგებს ბრძოლის ველზე, თქვა მან.