შეერთებულმა შტატებმა „უცხოელი აგენტების“ კანონის გამო  საქართველოს დახმარება შეუჩერა

შეერთებულმა შტატებმა, Noble Partner 2024 წვრთნების განუსაზღვრელი ვადით გადადების შემდეგ, გაყინა საქართველოსთვის გაწეული დახმარება. ამის შესახებ 12 ივლისს საქართველოში ვიზიტის შემდეგ განაცხადა აშშ-ის სახელმწიფო მდივნის მოადგილემ სამოქალაქო უსაფრთხოების, დემოკრატიისა და ადამიანის უფლებების საკითხებში უზრა ზეიამ. ამის შესახებ წერს DW. ამ გადაწყვეტილების მიზეზი საქართველოში „უცხოური აგენტების შესახებ“ კანონის მიღება გახდა. „ამ კანონის შედეგად შეერთებულმა შტატებმა საქართველოს დახმარება გაუყინა და ევროკავშირში ინტეგრაციაც არ ხდება“, – განაცხადა ზეიამ და არ დაუზუსტებია რა სახის დახმარებაზეა საუბარი. „ვფიქრობ, მხოლოდ შეგვიძლია დავასკვნათ, რომ საქართველოს დღევანდელი გზა შეუთავსებელია დემოკრატიულ ღირებულებებთან და საფრთხეს უქმნის საქართველოს გზას ევროატლანტიკური ინტეგრაციისკენ“, – განაცხადა ზეიამ.