Politico. “მომავალ კვირებში შესაძლოა ტრამპის წინააღმდეგ ახალი მკვლელობის მცდელობა იყოს”

„მომავალ კვირებში შესაძლოა ახალი მკვლელობის მცდელობა მოეწყოს შეერთებული შტატების 45-ე პრეზიდენტის, რესპუბლიკური პარტიის საპრეზიდენტო კანდიდატის, დონალდ ტრამპის წინააღმდეგ“, – განაცხადეს ამერიკულ სპეცსამსახურებთან დაახლოებულმა წყაროებმა ჟურნალ Politico-სთან საუბარში.

Politico-ს წყაროები ირწმუნებიან, რომ ირანის ხელისუფლება ბოლო წლებში აქტიურად განიხილავს ტრამპის წინააღმდეგ მკვლელობის მცდელობის თემას.

ჟურნალის მიხედვით, ეს უნდა იყოს შურისძიება 2020 წლის იანვარში ირანელი გენერლის ქასემ სოლეიმანის მკვლელობისთვის.