22 ივლისს დაგეგმილი ევროკავშირის საგარეო საქმეთა მინისტრების საბჭოს სესიის დღის წესრიგის საკითხებს შორის იქნება ევროპის მშვიდობის ფონდიდან სომხეთისთვის 10 მილიონი ევროს გამოყოფისა და ვიზალიბერალიზაციის დიალოგის საკითხები.
“ARMENPRESS”-ის ჟურნალისტის ცნობით, ევროპული მშვიდობის ფონდიდან გასაწევი დახმარება მიზნად ისახავს სომხეთის თავდაცვითი შესაძლებლობების გაძლიერებას. ევროკავშირი პრიორიტეტს ანიჭებს მშვიდობიანი მოსახლეობის დაცვას საგანგებო სიტუაციებში და ეს დახმარება ხაზს უსვამს მსგავს მიზნობრივ ხარჯებს. დაგეგმილი დახმარება არავითარ შემთხვევაში არ იქნება გამოყენებული ლეტალური იარაღისა და საბრძოლო მასალის შესაძენად და არ მოიცავს ერთობლივ სამხედრო წვრთნებს, რადგან ევროკავშირს არ ჰყავს არმია.ევროკავშირის წევრი ქვეყნების საგარეო დეპარტამენტების ხელმძღვანელების შეხვედრაზე ასევე იგეგმება ევროკომისია-სომხეთის დიალოგის დაწყების დადასტურება სავიზო რეჟიმის ლიბერალიზაციის შესახებ. დიალოგის დაწყების შემდეგ, მისი წარმართვის მთავარი ინსტრუმენტი იქნება ვიზალიბერალიზაციის სამოქმედო გეგმა, რომელიც წარედგინება სომხეთის ხელისუფლებას.
