„დემოკრატიული ძალების პლატფორმა“ სომხეთის ევროკავშირში გაწევრიანების რეფერენდუმის საკითხზე ხელმოწერების შეგროვების ორგანიზებას აპირებს. პლატფორმაში ჩართული ძალების წარმომადგენლებმა ევროპის მოედანზე პრესკონფერენცია გამართეს. პლატფორმის შემადგენელი არასამთავრობო ორგანიზაციის „თავისუფალი მოქალაქის“ ხელმძღვანელმა, ჰოვსეფ ხურშუდიანმა განაცხადა, რომ ამ პერიოდში რეფერენდუმთან დაკავშირებით შეხვედრები და დისკუსიები იყო ხელისუფლების სხვადასხვა წარმომადგენლებთან, მაგრამ ხელისუფლებაში საბოლოო გადაწყვეტილება და კონსენსუსი არ ყოფილა. . „არსებობს გადაწყვეტილება, რომ ეს პროცესი გავაგრძელოთ. „დემოკრატიული ძალების პლატფორმა“ წამოიწყებს ხელმოწერების შეგროვებას სომხეთისთვის ევროკავშირში ინტეგრაციის საკითხზე რეფერენდუმის ჩასატარებლად. 45 დღეში 50 ათასი ხელმოწერაა საჭირო, რაც რთული პროცესია. მოსამზადებელი სამუშაოები დღეიდან დაიწყება“, – განაცხადა ჰოვსეფ ხურშუდიანმა. შეგახსენებთ, რომ 21 ივნისს, დემოკრატიული ძალების ინიციატივით, ასევე გაიმართა საპარლამენტო მოსმენები სომხეთის ევროკავშირში გაწევრიანების შესახებ რეფერენდუმის ჩატარების საკითხზე.
