სომხურ-ამერიკული სამხედრო წვრთნები „Eagle Partner-2024“ დასრულდა. 15-24 ივლისის 10-დღიანი სამხედრო წვრთნებიდან მოლოდინი იყო სრ წინააღმდეგობის გაზრდა. უკვე დღეს ექსპერტები მიიჩნევენ, რომ სამხედრო წვრთნებში გამოყენებული ამერიკული სამხედრო ტექნიკის ნაწილი სომხეთში დარჩება. თუ შარშან წვრთნებში 85 ამერიკელი და 175 სომეხი სამხედრო მონაწილეობდა, ამჯერად მათი რიცხვი გაიზარდა, თუმცა დაკონკრეტებული არაა.
სამხედრო ექსპერტი კარენ ჰოვჰანნისიანი სომხურ-ამერიკულ „Artsiv partner-2024“-ის ათდღიან სამხედრო წვრთნებს სრ შეიარაღებულ ძალებში ახალი სიცოცხლისა და განახლების მეთოდად მიიჩნევს. ის ამ საკითხს პოლიტიკურ და სამხედრო კონტექსტში განიხილავს.
„თუ საკითხს სამხედრო კუთხით შევხედავთ, მაშინ ეს არის მეთოდი, გზა, რომ ახალი სული შთაებეროს სრ შეიარაღებულ ძალებს, რადგან მრავალი წლის განმავლობაში, სსრკ–ს დაშლის შემდეგ, სრ შეიარაღებული ძალები გადავიდა მინი–რუსულ მოდელზე, მაშინ, როცა რუსეთის არმიამ ასევე მიაღწია გარკვეულ პროგრესს, რუსეთის ჯარში ასევე არის რაღაცეები, რომლებიც უკვე წარსულშია. ჩვენთან ასე არ იყო და ეს წვრთნები ჩვენს სამხედრო ძალებს ძალიან ბევრს აძლევს, თანაც, განათლების კუთხითაც დიდ პროგრესს განიცდიან“.
სომხეთში ჩასული ამერიკელი გენერლები სომხურ-ამერიკულ წვრთნებს სომხეთში აშშ-ის ელჩის თანხლებით აკვირდებოდნენ. ელჩი კრისტინა ქვინი სწავლება “Eagle Partner 24”-ის მიმდინარეობას აკვირდებოდა აშშ-ს ევროპული სარდლობის გენერალ-მაიორ ჯეიმს კრისელთან, კანზასის ეროვნული გვარდიის გენერალ ენტონი მოჰატთან და ევროპასა და აფრიკაში აშშ-ის სახმელეთო ძალების ბრიგადის გენერალ ენდრიუ სასლავთან ერთად. აშშ-ის საელჩომ გამოაქვეყნა ანგარიში, რომლის მიხედვითაც ნათქვამია, რომ 15 ივლისს დაწყებული წვრთნები არის სომხურ-ამერიკული გრძელვადიანი თავდაცვის თანამშრომლობის ერთ-ერთი რეგულარული ინიციატივა საერთაშორისო სამშვიდობო ოპერაციებში მონაწილეობის მომზადების მიმართულებით.
ექსპერტ ჰოვჰანნისიანის აზრით, სომხურ-ამერიკულ სამხედრო წვრთნებს უფრო პოლიტიკური კონტექსტი აქვს, ვიდრე სამხედრო.
„სომხეთის რესპუბლიკის შეიარაღებული ძალები შეერთებულ შტატებს განიხილავენ, როგორც ქმედუნარიან შეიარაღებულ ძალას ამ რეგიონში, როგორც განვითარებად შეიარაღებულ ძალად და როგორც სუვერენული სახელმწიფოს ქმედუნარიან შეიარაღებულ ძალას მის არსებულ საზღვრებში. ამას აქვს ძალიან დიდი მნიშვნელობა და არის გზავნილი ამ რეგიონში მოთამაშე ქვეყნებისთვის და ჩვენთან კონფლიქტში მყოფი სახელმწიფოსთვის, ამ შემთხვევაში აზერბაიჯანისთვის. ასე რომ, მე უფრო პოლიტიკურ მნიშვნელობას ვხედავ, ვიდრე სამხედროს“.
აღსანიშნავია, რომ ეროვნული თავდაცვის კომიტეტის თავმჯდომარემ ანდრანიკ ქოჩარიანმა დაადასტურა ინფორმაცია იმის შესახებ, რომ ამერიკულმა მხარემ სომხეთში სომხურ-ამერიკულ სამხედრო წვრთნებზე თავისი ჯავშანტექნიკა ჩამოიყვანა.
„რა თქმა უნდა, გასაგებია, რომ სამხედრო წვრთნებში მონაწილეობის მისაღებად უნდა მოსულიყვნენ საკუთარი აღჭურვილობით, ჩვენ ჩვენი ტექნიკით. ტექნიკებს შეკრებენ, შეადარებენ: რომელია კარგი, რომელი ცუდი და ვიფიქრებთ რა მივიღოთ. ბუნებრივია, ამ მოცულობის სამხედრო სწავლება ის მოცულობა და რჩევა არ არის, რომლის ნახვასაც მუდმივად ცდილობთ, არამედ ეს არის ნაბიჯები, რომლებიც წაგვიყვანს იმ მიმართულებით, რომ ერთ დღეს გვექნება მოცულობაც და სიღრმეც და ასეთი ყოფნა და მონაწილეობა. სამხედრო ტექნიკასაც დაემატა მართვის უნარები, რაც მთების მიღმა არ არის. ამერიკული მხარე მოვიდა თავისი ჯავშანტექნიკით, საკუთარი პერსონალით. რიცხვები ხომ არ არის საქმე, პერსონალი თავისი სამხედრო ტექნიკით მოვიდა, სწავლების ხასიათიდან გამომდინარე, ეს არ არის ინტერვიუს თემა“
სამხედრო ექსპერტმა კარენ ჰოვჰანნისიანმა „რადიოლურის“ კითხვაზე, დარჩება თუ არა ამერიკული სამხედრო ტექნიკა სომხეთში, განმარტა, რომ ჩვეულებრივ სამხედრო წვრთნების შემდეგ სამხედრო ტექნიკა რჩება იმ ქვეყანაში, სადაც სამხედრო წვრთნები ტარდებოდა. ის იხსენებს, მაგალითად, როცა ნახიჩევანში თურქეთ-აზერბაიჯანული სამხედრო წვრთნები ტარდება, სამხედრო ტექნიკა უკან არ ბრუნდება, არამედ ადგილზე რჩება. ექსპერტი მიიჩნევს, რომ ამერიკული სამხედრო ტექნიკა სომხეთში დარჩება.
