სომხეთთან მშვიდობის მომხრე ცნობილი აზერბაიჯანელი მეცნიერი ღალატის ბრალდებით დააკავეს. ის ხელისუფლების ათეულობით კრიტიკოსიდან ერთ-ერთია, რომლებიც რამდენიმე თვით ციხეში არიან. ექსპერტები ამბობენ, რომ ქვეყანაში ამჟამად მიმდინარეობს რეპრესიები, რომლებმაც ილჰამ ალიევის მმართველობის მთელი პერიოდის განმავლობაში ენით აუწერელ მასშტაბებს მიაღწიეს.
უფლებადამცველები აღნიშნავენ, რომ ყველაზე მასშტაბური რეპრესიები აზერბაიჯანში ილჰამ ალიევის ხელისუფლებაში ყოფნის პერიოდში ბოლო თვეების განმავლობაში მოხდა, წერს BBC.
მათი მონაცემებით, დღეს ქვეყანაში 300-ზე მეტი პოლიტპატიმარია, რაც მისი მმართველობის 20 წლის განმავლობაში არასდროს მომხდარა. ათობით ჟურნალისტი, რომლებიც გასული წლის ბოლოს ფინანსური დანაშაულის ბრალდებით დააკავეს, ციხეებში აღმოჩნდა.
მათ პატიმრობის ვადა რამდენჯერმე გაუხანგრძლივა, რის გამოც რეჟიმის კრიტიკოსები იმედოვნებენ, რომ, შესაძლოა, კულისებში მოლაპარაკებები მიმდინარეობს დასავლეთთან და ისინი შეიძლება გაათავისუფლონ გაეროს კლიმატის ცვლილების სამიტის წინა დღეს. (СОР29).
