სომხეთის რესპუბლიკის ტერიტორიული მართვისა და ინფრასტრუქტურის მინისტრის მოადგილემ არმენ სიმონიანმა მიიღო დელეგაცია “რუსეთის რკინიგზის” გენერალური დირექტორის მოადგილის, “სამხრეთ კავკასიის რკინიგზის” დირექტორთა საბჭოს თავმჯდომარის ვიაჩესლავ პავლოვსკის ხელმძღვანელობით.
დელეგაციის შემადგენლობაში ასევე იმყოფებოდნენ „სამხრეთ კავკასიის რკინიგზის“ გენერალური დირექტორი ალექსეი მელნიკოვი, „რუსეთის რკინიგზის“ და სკრ კომპანიის, ასევე რუსეთის საელჩოს წარმომადგენლები.
როგორც ტერიტორიული მართვისა და ინფრასტრუქტურის სამინისტროს პრესრელიზიდან ირკვევა, სამინისტროში გამართული შეხვედრის დასაწყისში მინისტრის მოადგილემ არმენ სიმონიანმა მადლობა გადაუხადა ვიაჩესლავ პავლოვსკის რკინიგზის თანამშრომლების მიერ მაისში მდინარე დებედის ადიდების შედეგად დაზიანებული რკინიგზის მუშაობის სწრაფ აღდგენაში გაწეული პროფესიული მუშაობისთვის.
შეხვედრაზე განიხილეს საკონცესო ხელშეკრულებაში შეტანილი არაერთი ცვლილება და დამატებები, განიხილეს რკინიგზის მუშაობის გაუმჯობესებისკენ მიმართული ღონისძიებების განხორციელების აუცილებლობა, შეათანხმეს რიგი დებულებები.
