2020 წლის 9 ნოემბრის სამმხრივი განცხადების მიხედვით, სომხეთის რესპუბლიკის ტერიტორიაზე გამავალი კომუნიკაციების უსაფრთხოების უზრუნველყოფის ფუნქცია სომხეთის რესპუბლიკას ენიჭება. ამის შესახებ ნიკოლ ფაშინიანმა განაცხადა საზაფხულო სკოლის მსმენელის კითხვაზე პასუხის გაცემისას.
„ბოლო დროს გააქტიურდა დისკუსიები რეგიონულ კომუნიკაციებზე, არის ამ დისკუსიებშიც გარკვეული მოსაზრებები. ცოტა ხნის წინ, რუსეთის ფედერაციის მაღალჩინოსანმა განაცხადა, რომ 9 ნოემბრის სამმხრივ განცხადებაში წერია, რომ აზერბაიჯანის ძირითად ნაწილსა და ნახიჩევანს შორის სატრანსპორტო კომუნიკაციების უსაფრთხოებას უზრუნველყოფენ რუსეთის უშიშროების ფედერალური სამსახურის სასაზღვრო ჯარების ძალები. მინდა ვთქვა, რომ 9 ნოემბრის სამმხრივ განცხადებაში მსგავსი რამ არ წერია. ეს არის მარტივი ტექსტი, საჯარო, შესაძლებელია გახსნა და წაკითხვა. პირიქით, იქ წერია, რომ სრ უზრუნველყოფს და უზრუნველყოფს კომუნიკაციის უსაფრთხოებას და გარანტიას“, – განაცხადა ფაშინიანმა.
მან ასევე დასძინა, რომ 9 ნოემბრის განცხადების მე-9 პუნქტი ყველა რეგიონული კომუნიკაციის გახსნას ეხება. „აქ კონტექსტიდან ამოვარდნილი კომენტარები არამარტო უსარგებლოა, არამედ საზიანოც არის და სრ მთავრობამ საჯაროდ და ოფიციალურად წარადგინა პროექტი „მშვიდობის გზაჯვარედინი“ და თუ ვინმე ამ პროექტის წინააღმდეგია, ახსნას რატომ არის ამის წინააღმდეგი.
