საქართველოდან სომხეთში ექსპორტი გაიზარდა და 100 მილიონ დოლარს გადააჭარბა

2024 წლის იანვარ-აგვისტოში რუსეთი კვლავ იყო  ქართული პროდუქციის ყველაზე დიდი საექსპორტო ბაზარი. NGnewsgeorgia-ს ინფორმაციით, მისმა წილმა მთლიან ექსპორტში რვა თვის განმავლობაში 19.1% შეადგინა.

უფრო მეტიც, ყველაზე მნიშვნელოვანი ზრდა ფიქსირდება აშშ-ის მიმართულებით, 90%-ზე მეტით. ქართული ექსპორტის ძირითად მიმართულებებზე ასეთი სურათია –   რუსეთი: $375,6 მლნ, +3,2% გასული წლის ანალოგიურ პერიოდთან შედარებით, თურქეთი – $287,6 მლნ, +12,2%; ჩინეთი – $181,7 მლნ, -18,8%, სომხეთი – $101,2 მლნ, +2,7%; აზერბაიჯანი – 86,5 მლნ დოლარი, -11,5%; აშშ – 86,2 მლნ დოლარი, +90,2%.

ექსპორტმა, რეექსპორტის ჩათვლით, საანგარიშო პერიოდში 4,1 მილიარდ დოლარს მიაღწია, რაც 2,5%-ით მეტია გასულ წელთან შედარებით. რეექსპორტის ყველაზე დიდი ჯგუფი არის მსუბუქი ავტომობილები. ისინი ძირითადად ყირგიზეთს, ყაზახეთსა და აზერბაიჯანს მიეწოდებოდა.