მთიანი ყარაბაღიდან დევნილი სომხების უფლება, უსაფრთხოდ დაბრუნდნენ თავიანთ სახლებში, მნიშვნელოვანია სომეხი ხალხის ღირსების აღდგენისა და რეგიონში სტაბილურობისთვის. ამის შესახებ ნათქვამია აშშ-ს ვიცე-პრეზიდენტის, პრეზიდენტობის კანდიდატის კამალა ჰარისის განცხადებაში, რომლითაც მიმართა სომხურ-ამერიკული თემს.
„ჩემს საუკეთესო სურვილებს გიგზავნით ამ დღეს, როდესაც თქვენ აღნიშნავთ სომხეთის დამოუკიდებლობის დღეს.
როდესაც ჩვენ აღვნიშნავთ ამ დღეს, ასევე არასოდეს უნდა დავივიწყოთ სომეხთა გენოციდი, როდესაც დაახლოებით 1,5 მილიონი სომეხი იძულებით განდევნეს, მოკლეს და სიკვდილის გზას გაუყენეს.
ეს არის ტრაგედია, რომელიც აგრძელებს სომეხი ხალხის იდენტობის ფორმირებას. სომეხ-ამერიკული საზოგადოების გამძლეობა რჩება შთაგონების წყაროდ ჩვენს კოლექტიური ამერიკის ისტორიაში. მე ერთგული ვარ სომხეთსა და მის მეზობლებს შორის გრძელვადიანი მშვიდობის მიღწევის იდეისადმი, რომელიც დაფუძნებულია სუვერენიტეტის, დამოუკიდებლობისა და ტერიტორიული მთლიანობის პატივისცემაზე.
მთიანი ყარაბაღიდან დევნილი სომხების უფლება, უსაფრთხოდ დაბრუნდნენ თავიანთ სახლებში, მნიშვნელოვანია სომეხი ხალხის ღირსების აღდგენისა და რეგიონში სტაბილურობისთვის.
მე გავაგრძელებ სომხეთის მხარდაჭერას დემოკრატიის განმტკიცებისა და რეგიონში სტაბილურობის ხელშეწყობის მცდელობებში.
სომხეთს და მის ხალხს აქვს მდიდარი ისტორია, რომელიც შთააგონებს ყველას, ვიბრძოლოთ თავისუფლებისა და სამართლიანობისთვის. მე ვრჩები ჩვენს ხალხებს შორის კავშირების გაღრმავებისა და პარტნიორობის განმტკიცების ერთგული, რომელიც მხარს უჭერს ჩვენს საერთო ღირებულებებსა და მისწრაფებებს. ჩვენ ერთად შეგვიძლია ავაშენოთ უფრო უსაფრთხო, სამართლიანი და თავისუფალი სამყარო. პატივისცემით, ვიცე პრეზიდენტი კამალა ჰარისი“.
