მარგველაშვილი „ძლიერ საქართველოს“ ოფიციალურად შეუერთდა

Netgazeti.ge წერს, რომ საქართველოს ყოფილი პრეზიდენტი გიორგი მარგველაშვილი კოალიცია „ძლიერ საქართველოს“ შეუერთდა – ეს დღეს გორში პარტიის მიტინგისას ოფიციალურად დადასტურდა.

„ადამიანი, რომელიც არასდროს წასულა კომპრომისზე. რომელიც ორივე ხელისუფლების დროს იყო ოპოზიციაში. [..] პატრიოტი, უწესიერესი ადამიანი, უკომპრომისო მებრძოლი საქართველოსთვის“, – ასე წარადგინა მარგველაშვილი მამუკა ხაზარაძემ.

მარგველაშვილმა სიტყვით გამოსვლისას თქვა, რომ გამარჯვების სჯერა და მისთვის ბრძოლას აპირებს, თუმცა, არა დეპუტატის რანგში.

როგორც „ნეტგაზეთი“ წერდა, მარგველაშვილის ოფიციალურად წარდგენა დღეს უნდა მომხდარიყო.