მსოფლიოს ერთ-ერთმა წამყვანმა მედიამ სომხეთი ერთ-ერთ საუკეთესო ტურისტულ მიმართულებად აღიარა

მსოფლიოს ერთ-ერთმა წამყვანმა ტურისტულმა მედიამ „Lonely Planet“-მა „Best Travel 2025“-ის ნომერში სომხეთი ერთ-ერთ საუკეთესო ტურისტულ მიმართულებად აღიარა.

“არმენპრესის” ინფორმაციით, ამის შესახებ სრ ტურიზმის კომიტეტმა აღნიშნა, რომ ეს აღიარება მოწმობს იმ განსაკუთრებულ ხიბლსა და სტუმართმოყვარეობას, რომელსაც სომხეთი გვთავაზობს თავისი შთამბეჭდავი პეიზაჟებით, ცოცხალი კულტურით და დაუვიწყარი გამოცდილებით.

„ჩვენთვის დიდი პატივია, რომ „Lonely Planet“-მა 2025 წელს ერთ-ერთ აუცილებელ მიმართულებად გვაღიარა“, – განაცხადა სრ ეკონომიკის სამინისტროს ტურიზმის კომიტეტის ხელმძღვანელის მოვალეობის შემსრულებელმა სუსანა ჰაკობიანმა.

მისი თქმით, ეს აღიარება ხაზს უსვამს იმ უნიკალურ ხიბლს, ისტორიას და სტუმართმოყვარეობას, რაც სომხეთს განსაკუთრებულს ხდის.

„მიუხედავად იმისა, იქნება ეს ჩვენი ცოცხალი ქალაქები, თვალწარმტაცი სოფლები თუ ადგილობრივი ტრადიციები, სომხეთი შეიძლება გახდეს უნიკალური აღმოჩენა თითოეული მოგზაურისთვის“, – ხაზგასმით აღნიშნა მან.