„გაზპრომ სომხეთი“ 10 წელიწადში 500 მილიონი დოლარის ინვესტიციას გეგმავს
კომპანია „გაზპრომ სომხეთმა“ სომხეთში დაახლოებით 1 მილიარდი დოლარის ინვესტიცია განახორციელა. ამის შესახებ განაცხადა „გაზპრომ სომხეთის“ დაგეგმარებისა და ეკონომიკური დეპარტამენტის ხელმძღვანელმა ვაჰაგნ მათევოსიანმა სემინარზე, თემაზე „ენერგეტიკული პროცესები. რეგიონი“.
მისი თქმით, მომდევნო 10 წლის განმავლობაში დაახლოებით 500 მილიონი დოლარის ინვესტიცია იგეგმება.
„რესპუბლიკის 650 დასახლებული პუნქტი გაზიფიცირებული იქნა. სომხეთი 96%-ით გაზიფიცირებულია და ამ მაჩვენებლით მსოფლიოში ერთ-ერთი წამყვანი ქვეყანაა. დაახლოებით 770 000 აბონენტია ჩართული გაზგამანაწილებელ ქსელში“, – განაცხადა მათევოსიანმა.
მისი თქმით, კომპანიაში 7000-მდე ადამიანია დასაქმებული, რაც იმას ნიშნავს, რომ ბევრი ოჯახი უზრუნველყოფილია სტაბილური შემოსავლით.
მათევოსიანმა დასძინა, რომ კომპანია 2023 წლიდან იღებს ზომებს მთიანი ყარაბაღიდან იძულებით დევნილი სომხებისთვის დროებითი საცხოვრებლით უზრუნველსაყოფად.
600-მდე ადამიანი გახდა ბენეფიციარი, 45 ოჯახი, რომლებმაც ყველაფერი დაკარგეს.
მისი განმარტებით, ეს ხარჯები მოსახლეობისთვის განკუთვნილ ტარიფებში არ აისახება.
