საფრანგეთი ბოიკოტს უცხადებს COP29-ს “კოლონიებზე” ალიევის კომენტარების შემდეგ
საფრანგეთის უმაღლესი კლიმატის წარმომადგენელი არ დაესწრება COP29 კლიმატის მოლაპარაკებებს ბაქოში მას შემდეგ, რაც აზერბაიჯანის პრეზიდენტმა საფრანგეთი დაადანაშაულა კლიმატის ცვლილების შეშფოთების “სისასტიკეში” ჩახშობაში მის საზღვარგარეთის ტერიტორიებზე. ამის შესახებ „არმენპრესის“ ცნობით წერს POLITICO.
“რესპუბლიკის პრეზიდენტთან და პრემიერ მინისტრთან დისკუსიის შემდეგ, მე არ წავალ ბაქოში მომავალ კვირას”, – განაცხადა საფრანგეთის ეკოლოგიურმა გარდამავალმა მინისტრმა აგნეს პანიერ-რუნაშერმა 13 ნოემბერს საფრანგეთის სენატში და დაგმო აზერბაიჯანის განცხადებები, უწოდა მათ “მიუღებელი” და “უსაფუძვლო”.
საფრანგეთის კლიმატის მინისტრის არყოფნა ნიშნავს, რომ პარიზი არ გააგზავნის არცერთ მაღალი რანგის პოლიტიკურ წარმომადგენელს ბაქოში. საფრანგეთის პრეზიდენტი ემანუელ მაკრონი ასევე გამოტოვებს ღონისძიებას. საფრანგეთის გადაწყვეტილება ნიშნავს, რომ პირველად 2015 წლის პარიზის შეთანხმების ხელმოწერის შემდეგ, კლიმატის ცვლილების კონფერენცია საფრანგეთის უმაღლესი ხელმძღვანელობის გარეშე გაიმართება.
14 ნოემბერს, დილით, აზერბაიჯანის პრეზიდენტმა ილჰამ ალიევმა, პატარა კუნძულების ლიდერებთან შეხვედრისას, გააკრიტიკა საფრანგეთი და ნიდერლანდები მათი „ნეოკოლონიალიზმის“ გამო, რომელიც მან კლიმატის ცვლილებას დაუკავშირა.
„საფრანგეთისა და ნიდერლანდების ეგრეთ წოდებული საზღვარგარეთის ტერიტორიები, განსაკუთრებით კარიბის და წყნარ ოკეანეში, კლიმატის ცვლილებისგან ყველაზე მეტადაა დაზარალებული. ამ თემების ხმებს ხშირად რეჟიმები სასტიკად თრგუნავენ“, – განაცხადა ალიევმა .
აზერბაიჯანის პრეზიდენტი ამტკიცებდა, რომ საფრანგეთმა გამოიწვია “გარემოს დეგრადაცია”, იმ ტერიტორიებზე, რომელსაც ალიევმა „კოლონიები“ უწოდა. მან ასევე დაადანაშაულა საფრანგეთის პრეზიდენტის ემანუელ მაკრონის მთავრობა, რომ პასუხისმგებელია ახალ კალედონიაში მიმდინარე წლის დასაწყისში მომხდარ ძალადობაზე. ახალ კალედონიაში დემონსტრაციებისას შეტაკებების დროს 13 ადამიანი დაიღუპა.
ალიევის კომენტარებს ჰოლანდიაც გამოეხმაურა.
ჰოლანდიის საგარეო საქმეთა სამინისტროს სპიკერმა POLITICO-ს განუცხადა, რომ დეპარტამენტი “კატეგორიულად” უარყოფს აზერბაიჯანის ლიდერის “დაუსაბუთებელ შეხედულებებს რეპრესიების შესახებ” ჰოლანდიის საზღვარგარეთის ტერიტორიებზე.
11 ნოემბერს აზერბაიჯანში კლიმატის ცვლილების შესახებ გაეროს ჩარჩო კონვენციის 29-ე კონფერენცია COP29 დაიწყო. ის 22 ნოემბრამდე გაგრძელდება.
აზერბაიჯანი გააკრიტიკა სხვადასხვა არასამთავრობო ორგანიზაციამ წიაღისეულ საწვავში ინვესტიციების გაგრძელების გამო.
მედიის ცნობით, ბაქო კონფერენციის ფარგლებშიც აგრძელებს ახალი გარიგებების დადებას.
