ყოფილა შემთხვევები, როცა აზერბაიჯანში სომხები წამებით გარდაცვლილან – სამხედრო ტყვეთა ინტერესების დამცველი

დაფიქსირდა შემთხვევები, როცა სომხები აზერბაიჯანში სწორედ წამებით გარდაცვლილან.  ამის შესახებ 14 ნოემბერს ევროპული სასამართლოს სამხედრო ტყვეთა ინტერესების წარმომადგენელმა სირანუშ საჰაკიანმა კონფერენციაზე „აზერბაიჯანის აგრესია ადამიანის უფლებებისა და გარემოს დაცვის წინააღმდეგ“ კონფერენციაზე განაცხადა.

მან შეახსენა, რომ ქალები და მოხუცები, რომლებსაც არანაირი შეხება არ ჰქონდათ საბრძოლო მოქმედებებთან, ასევე ექვემდებარებოდნენ აზერბაიჯანულ წამებას.

საჰაკიანმა დასძინა, რომ ადვოკატების ჩართვას ფორმალური ხასიათი ჰქონდა და მათი თანდასწრებითაც კი სომხებს დამამცირებლად ეპყრობოდნენ.  

„44-დღიანი ომის დაწყებიდან აზერბაიჯანმა 300-მდე სომეხი შეიპყრო. მათგან 210 დაბრუნდა, საუბარია აგრეთვე ადამიანებზე, რომლებსაც არანაირი კავშირი არ ჰქონდათ 44-დღიან ომთან, რადგან 2020 წლამდე იყვნენ ტყვედ ჩავარდნილი.

დღეს აზერბაიჯანის ციხეში 23 სომეხი, უმეტესად პატიმარი, იმყოფება.

ხუთი ადამიანი დააკავეს 2020 წელს, დანარჩენი 2023 წელს.  ამ უკანასკნელთა შორის არიან არცახის ყოფილი ლიდერებიც (8 ადამიანი), ისინი პოლიტპატიმრები არიან. დანარჩენები არიან როგორც სამხედრო ტყვეები, ასევე მშვიდობიანი მოქალაქეები“, – აღნიშნა საჰაკიანმა.