სომხეთიდან აშშ-ში ექსპორტი გაიზარდა 25 პროცენტით, მაგრამ მთლიანი სავაჭრო ბრუნვა შემცირდა

მიმდინარე წლის იანვარ-ოქტომბერში სომხეთიდან აშშ-ში ექსპორტი 25%-ით გაიზარდა და 50,2 მლნ დოლარი შეადგინა. ამის შესახებ ფეისბუქის საკუთარ გვერდზე წერს ეკონომიკის მინისტრი გევორგ პაპოიანი.

მისივე თქმით, სომხეთიდან აშშ-ში ექსპორტირებული იყო სამკაულები, თვითმფრინავები, ალკოჰოლური სასმელები, წყალი, სიგარეტი.

„მიუხედავად ამისა, მთლიანი სავაჭრო ბრუნვა შემცირდა 59%-ით, რადგან მკვეთრად შემცირდა იმპორტი, კერძოდ, 3,5-ჯერ ანუ 442 მილიონი დოლარით შემცირდა ავტომობილების იმპორტი აშშ-დან“, – აღნიშნა მინისტრმა.