5 დეკემბერს სომხეთის თავდაცვის მინისტრი სურენ პაპიკიანი აშშ-ს თავდაცვის მდივანს ლოიდ ოსტინს შეხვდა.
პენტაგონში დახვედრის ოფიციალური ცერემონია გაიმართა, შესრულდა სომხეთის რესპუბლიკისა და ამერიკის შეერთებული შტატების ჰიმნები.
თავდაცვის მინისტრმა სურენ პაპიკიანმა მადლობა გადაუხადა აშშ-ს თავდაცვის მდივანს ლოიდ ოსტინს თბილი მასპინძლობისთვის, გააცნო სომხეთის შეიარაღებულ ძალებში მიმდინარე რეფორმების დეტალები. შეხვედრაზე აღინიშნა თანამშრომლობის ძირითადი მიმართულებები, რომლებიც მიზნად ისახავს როგორც სომხეთში შეიარაღებული ძალების ტრანსფორმაციას, ასევე გაძლიერებას.
შეხვედრაზე აშშ-ის თავდაცვის მდივანმა ლოიდ ოსტინმა აღნიშნა, რომ სომხეთის თავდაცვის დეპარტამენტის ხელმძღვანელის ვიზიტი ისტორიული მოვლენაა.
შეხვედრაზე თავდაცვის სფეროში სომხეთ-აშშ-ის თანამშრომლობასთან დაკავშირებული საკითხები განიხილეს.
ლოიდ ოსტინმა აღნიშნა, რომ აშშ მხარს უჭერს სომხეთის რესპუბლიკის დამოუკიდებლობას, სუვერენიტეტსა და კეთილდღეობას და ხაზგასმით აღნიშნა, რომ ორ ქვეყანას შორის თანამშრომლობა გრძელდება.
მდივანმა ოსტინმა თქვა, რომ აშშ მზადაა გააგრძელოს სომხეთის შეიარაღებული ძალების რეფორმების მხარდაჭერა.
ასევე განიხილეს საერთაშორისო და რეგიონულ უსაფრთხოებასთან დაკავშირებული საკითხები.
თავდაცვის მინისტრმა სურენ პაპიკიანმა დაადასტურა სომხეთის სურვილი, მიაღწიოს გრძელვადიან მშვიდობას რეგიონში. აშშ-ის თავდაცვის მდივანმა ლოიდ ოსტინმა, თავის მხრივ, გამოხატა აშშ-ს მხარდაჭერა ამ მიზნისთვის.
