ქართული ოპოზიცია აცხადებს, რომ იბრძვის რეგიონის მომავლისთვის

ოპოზიციური კოალიცია „ძლიერი საქართველოს“ ხელმძღვანელი ალეკო ელისაშვილი მიიჩნევს, რომ დღეს საქართველო რუსეთთან ბრძოლაშია რეგიონის მომავლისთვის.

„დღეს საქართველოში მიმდინარეობს რეგიონული ბრძოლა რუსეთის წინააღმდეგ. ჩვენს რეგიონში 30 წელზე მეტი ხნის განმავლობაში, რუსეთი ინახავს მის ერთგულ  ქვეყნებს სიღარიბეში, ხელს უშლის მათ განვითარებას. ასეთ ქვეყანასთან გვაქვს საქმე. სომხეთი რუსეთის ერთგული იყო, მაგრამ ჩვენ ვნახეთ რაც მოხდა – დაკარგა ყარაბაღი“, – განაცხადა ქართული ოპოზიციის ლიდერმა „ სომხეთის საზოგადოებრივ რადიოსთან“  საუბრისას საქართველოში განვითარებულ მოვლენებზე.

ელისაშვილმა აღნიშნა, რომ გასულ წლებში სომხეთმა და საქართველომ ერთად, ბევრად უფრო სწრაფად გადალახეს ის დაბრკოლებები, რომლებიც ქვეყნებს აშორებს ევროპას. თუმცა, მან ხაზგასმით აღნიშნა, რომ დღეს სომხეთ-საქართველოს ტანდემი აუცილებლობაა. „დღეს, როცა სომხეთი ევროპისკენ მიიწევს, ჩვენი ერთიანი ტანდემი ძალიან მნიშვნელოვანია“.

საქართველოში არჩევნების შემდგომმა პროტესტებმა დიდი იმპულსი მიიღო გასულ კვირას, როდესაც ხელისუფლებამ განაცხადა, რომ 2028 წლამდე ევროკავშირთან გაწევრიანების მოლაპარაკებებს არ დაიწყებს.