აშშ-ის კონგრესმა დაზვერვას დაავალა გამოეთვალათ ომში უკრაინის დამარცხების სცენარი

ამერიკელმა კანონმდებლებმა ქვეყნის სადაზვერვო სამსახურების ხელმძღვანელებს მოუწოდეს გაანალიზონ, რა შედეგები შეიძლება მოჰყვეს უკრაინისადმი აშშ-ის მხარდაჭერის შეწყვეტას. კონგრესს სურს იცოდეს, როგორ იმოქმედებს კიევის შესაძლო დამარცხება ომში აშშ-ს ეროვნულ უსაფრთხოებაზე, რუსეთის, ჩინეთის, ირანის და ჩრდილოეთ კორეის შესაძლო შემდგომი აგრესიის ჩათვლით, წერს The Hill.

ანგარიშს მოამზადებენ ეროვნული დაზვერვის დირექტორი, თავდაცვის სადაზვერვო სააგენტოს უფროსი და ცენტრალური სადაზვერვო სააგენტოს უფროსი. მათ უნდა შეაფასონ უკრაინაში ომის მიმდინარეობა უკრაინელი სამხედროებისთვის აშშ-ს დახმარების კონტექსტში.

კერძოდ, ანგარიშში უნდა იყოს ასახული, თუ როგორ იმოქმედებს აშშ-ს სამხედრო და ეკონომიკური მხარდაჭერის შეწყვეტა უკრაინის შეიარაღებული ძალების უნარზე დაიცვან რუსული აგრესიისგან. ეს მოიცავს უკრაინის უფლებამოსილების შენარჩუნებას ან გაუქმებას, გამოიყენოს შორი დისტანციის რაკეტები რუსეთის ტერიტორიის ღრმად დარტყმისთვის, აღნიშნავს The Hill.